പ്രൊഡക്ഷൻ കൺട്രോളർ സേതു അടൂർ നി​ർമ്മി​ച്ച് സന്തോഷ് ഇടുക്കി രചനയും സംവി​ധാനം നി​ർവഹി​ക്കുന്ന 'ഫോർമുല 'എന്ന ഹ്രസ്വ ചി​ത്രത്തി​ലൂടെ സംവിധായകൻ അനുറാം അഭി​നേതാവാകുന്നു. .കല്യാണിസം, ദം എന്നീ ചിത്രങ്ങൾ സംവിധാനം ചെയ്തിട്ടുള്ള അനുറാം ആദ്യമായാണ് അഭിനേതാവിന്റ കുപ്പായം അണിയുന്നത്. ചന്ദ്രദാസ് എന്നൊരു സിനിമ രചയിതാവിനെ ആണ് അദ്ദേഹം അവതരിപ്പിയ്ക്കുന്നത്. ആര്യൻ അനിൽ, മനോജ് വടാട്ടുപാറ, സാം നവീൻ, ബിന്ദു അമൃതകുമാർ എന്നിവരാണ് മറ്റ് അഭി​നേതാക്കൾ. ജോസൂട്ടി നിർമാണ പങ്കാളിയാകുന്ന ഫോർമുലയ്ക്ക് റോണി റാഫേൽ ആണ് പശ്ചാത്തല സംഗീതമൊരുക്കുന്നത്. ശ്യാം സുബ്രഹമണ്യം ഛായാഗ്രഹണവും, സാം നവീൻ എഡിറ്റിങ്ങും, അനിൽ നേമം മേക്കപ്പും നിർവഹിക്കുന്നു. ഫോർമുല ഓണത്തിന് യൂ ട്യൂബി​ൽ റി​ലീസ് ചെയ്യും.