ബംഗളൂരു: കൊവിഡ് പ്രതിരോധത്തിന്റെ ഭാഗമായി മറ്റ് സംസ്ഥാനങ്ങളിൽ നിന്ന് കർണാടകയിൽ എത്തുന്നവർക്ക് ഏർപ്പെടുത്തിയിരുന്ന 14 ദിവസത്തെ ക്വാറന്റൈൻ പൂർണമായും ഒഴിവാക്കി. കൈകളിൽ ക്വാറന്റൈൻ മുദ്ര പതിപ്പിക്കുന്നതും ആരോഗ്യവകുപ്പ് നിറുത്തിവച്ചു. കൊവിഡ് രോഗ ലക്ഷണങ്ങളുള്ളവർ മാത്രം എത്തിയാൽ ആരോഗ്യ വകുപ്പിനെ അറിയിക്കണമെന്നാണ് കഴിഞ്ഞ ദിവസം പുറത്തിറക്കിയ ഉത്തരവിലുള്ളത്. സേവാ സിന്ധു പോർട്ടലിലെ രജിസ്ട്രേഷനും റദ്ദാക്കിയതായി സർക്കാർ ഉത്തരവിൽ പറയുന്നു.

സംസ്ഥാന അതിർത്തികൾ, ബസ് സ്റ്റാൻഡ്, റെയിൽവെസ്റ്റേഷൻ എന്നിവിടങ്ങളിലെ പരിശോധനയും ഒഴിവാക്കിയിട്ടുണ്ട്.