ന്യൂയോർക്ക്: ലോകത്ത് കൊവിഡ് ബാധിതരുടെ എണ്ണം കുതിച്ചുയരുന്നു. ഇതുവരെ രണ്ട് കോടി നാൽപത് ലക്ഷത്തിൽ കൂടുതലാളുകൾക്കാണ് രോഗം സ്ഥിരീകരിച്ചത്. മരണസംഖ്യ 822,499 ആയി ഉയർന്നു. 16,591,338 പേർ രോഗമുക്തി നേടി.

അമേരിക്കയിൽ കഴിഞ്ഞ 24 മണിക്കൂറിനിടെ ആയിരത്തി ഇരുനൂറിൽ കൂടുതലാളുകളാണ് കൊവിഡ് ബാധിച്ച് മരിച്ചത്. ഇതോടെ ആകെ മരണസംഖ്യ 182,375 ആയി ഉയർന്നു. യു.എസിൽ ഇതുവരെ 5,954,839 പേർക്കാണ് രോഗം സ്ഥിരീകരിച്ചത്. 3,252,432 പേർ സുഖം പ്രാപിച്ചു.

ബ്രസീലിലും രോഗവ്യാപനം രൂക്ഷമാവുകയാണ്. 3,674,176 പേർക്കാണ് ഇതുവരെ കൊവിഡ് സ്ഥിരീകരിച്ചത്.ഇന്നലെ മാത്രം 1215 പേരാണ് രാജ്യത്ത് മരണമടഞ്ഞത്. ഇതോടെ ആകെ മരണസംഖ്യ 116,666 ആയി. 2,848,395 പേർ രോഗമുക്തി നേടി.

ഇന്ത്യയിൽ കൊവിഡ് ബാധിതരുടെ എണ്ണം 32 ലക്ഷത്തോട് അടുക്കുകയാണ്. രാജ്യത്ത് ആകെ രോഗമുക്തി നേടിയവരുടെ എണ്ണം 24 ലക്ഷം പിന്നിട്ടു. ഇന്നലെ 66,550 പേരാണ് രാജ്യത്ത് രോഗമുക്തരായത്. ഒരു ദിവസത്തെ ഏറ്റവുമുയർന്ന രോഗമുക്തിനിരക്കാണിത്.