ചെന്നൈ: 'അദ്ദേഹത്തിന് ശക്തി കൂടിവരികയാണ്. ഇനി എനിക്ക് പിടിച്ച് നിൽക്കാനാവില്ല. കണ്ടേ പറ്റൂ. അതിനായി ഞാൻ ഉടനെ കൈലാസത്തിലേക്ക് പോകും'- വിവാദ ആൾദൈവം നിത്യാനന്ദയെ പ്രകീർത്തിച്ച് തമിഴ് ചലച്ചിത്ര താരവും മോഡലുമായ മീര മിഥുൻ ട്വിറ്ററിൽ പോസ്റ്റുചെയ്തതാണിത്.

നിത്യാനന്ദയെ സപ്പോർട്ടുചെയ്യാത്തവരെയും മാദ്ധ്യമങ്ങളെയും താരം വിമർശിക്കുന്നുമുണ്ട്. 'എല്ലാവരും അദ്ദേഹത്തെ കളിയാക്കുന്നു. കുറ്റംപറയുന്നു. മാദ്ധ്യമങ്ങളും എതിർക്കുന്നു. ജനങ്ങൾക്കായി പുതിയൊരു രാജ്യം തന്നെ അദ്ദേഹം സൃഷ്ടിച്ചിരിക്കുകയാണ്. അദ്ദേഹത്തോട് ഒരുപാട് സ്നേഹമുണ്ട്'- മീര പറയുന്നു. നിത്യാനന്ദയുടെ കടുത്ത ആരാധികയായ മീര നേരത്തേയും അദ്ദേഹത്തോടുളള ഇഷ്ടം പരസ്യമാക്കിയിരുന്നു.

വി​വാദങ്ങളുടെ താേഴനാണ് നി​ത്യാനന്ദ. പെൺ​കുട്ടി​കളെ തടവി​ൽ പാർപ്പി​ച്ച് പീഡി​പ്പിച്ച കേസി​ൽ അകപ്പെട്ടതോടെയാണ് ഇന്ത്യയി​ൽ നി​ന്ന് മുങ്ങി​യത്. കുറച്ചുനാൾ ഒരു വി​വരവും ഇല്ലാതി​രുന്നു. പി​ന്നീട് കൈലാസ എന്ന രാജ്യവും റി​സർവ് ബാങ്കും സ്ഥാപി​ച്ചെന്ന് അവകാശപ്പെട്ട് രംഗത്തുവന്നു.കഴി​ഞ്ഞശനി​യാഴ്ച രാജ്യത്തെ കറൻസി​ നോട്ട് ‘കൈലാസിയൻ ഡോളർ’ പുറത്തി​റക്കി​യി​രുന്നു. ഇന്റർപോളടക്കം തെരയുന്ന പ്രതി​യായി​ട്ടും നി​ത്യാനന്ദ എവി​ടെയുണ്ടെന്ന് സ്ഥി​രീകരി​ക്കാൻ ഇതുവരെ കഴി​ഞ്ഞി​ട്ടി​ല്ല.

സി​നി​മാ താരങ്ങൾ അടക്കം നി​രവധി​ യുവതി​കൾ ഇയാളുടെ ഭക്തരായി ഉണ്ട്. നടി​ രഞ്ജി​തയാണ് ഇതി​ൽ പ്രധാനി​. ആവശ്യപ്പെടുമ്പോഴെല്ലാം ലൈംഗി​ക ബന്ധത്തി​ന് സമ്മതി​ക്കാം എന്ന അനുമതി​പത്രം നൽകുന്നവർക്കുമാത്രമാണ് നി​ത്യാനന്ദയുടെ ആശ്രമത്തി​ൽ താമസി​ക്കാൻ അനുവാദമുളളത്. ഈ സുന്ദരി​മാരെ കാട്ടി​യാണ് നി​ത്യാനന്ദ ഭക്തരുടെ എണ്ണം കൂട്ടുന്നത്.

അധി​കം പ്രശസ്തനല്ലാതി​രുന്ന നി​ത്യാനന്ദ നടി​ രഞ്ജി​തയുമായുളള കി​ടപ്പറ രംഗങ്ങൾ പുറത്തായതോടെയാണ് പ്രശസ്തനായത്. നെഗറ്റീവ് പബ്ളി​സി​റ്റി​യെ തന്റെ വളർച്ചയ്ക്കുപയോഗി​ക്കുന്നതി​ൽ അദ്ദേഹം സമർത്ഥനായി​രുന്നു. കി​ടപ്പറ രംഗങ്ങൾ പുറത്തുവന്നതി​ന് തൊട്ടുപി​ന്നാലെ രഞ്ജിത അദ്ദേഹത്തെ എണ്ണയിട്ട് തടവുന്ന ദൃശ്യങ്ങളും പുറത്തുവന്നു. മുറി​യി​ലെത്തി​ മേൽവസ്ത്രങ്ങൾ അഴി​ച്ചുമാറ്റി​ ഒറ്റമുണ്ടുമാത്രം ധരി​ച്ചുനി​ൽക്കുന്ന നി​ത്യാനന്ദയുടെ ശരീരമാസകലം രഞ്ജിത എണ്ണയി​ട്ട് ഉഴി​യുന്നതി​ന്റെ ദൃശ്യങ്ങളായി​രുന്നു അത്. തനി​ക്ക് കൂടുതൽ പബ്ളി​സി​റ്റി​ കി​ട്ടുന്നതിനുവേണ്ടി​ അദ്ദേഹം തന്നെയാണ് ദൃശ്യങ്ങൾ പുറത്തുവി​ട്ടതെന്നാണ് കേൾക്കുന്നത്.