ചെന്നൈ: കൊവിഡ് ബാധിച്ച് ചെന്നൈയിലെ ആശുപത്രിയിൽ ചികിത്സയിൽ കഴിയുന്ന ഗായകന്‍ എസ്.പി.ബാലസുബ്രഹ്മണ്യം ബോധം വീണ്ടെടുത്തു. ആശുപത്രിയിലെ മെഡിക്കൽ ബുള്ളറ്റിനാണ് ഇക്കാര്യം വ്യക്തമാക്കിയത്. വെന്റിലേറ്ററില്‍ തുടരുകയാണെങ്കിലും എസ്.പി.ബി ആളുകളെയും ഡോക്ടർമാരെയും തിരിച്ചറിയുന്നുണ്ടെന്നും ആശുപത്രി അധികൃതർ പറഞ്ഞു. പിതാവിന്റെ ആരോഗ്യനിലയിൽ പുരോഗതിയുണ്ടെന്നും ഐ.സി.യുവിൽ കയറി കണ്ടെന്നും മകൻ ചരൺ വ്യക്തമാക്കി. കൊവിഡ് ബാധിച്ച് എസ്.പി.ബി ഏറെ നാളായി ചികിത്സയിൽ തുടരുകയാണ്.