ന്യൂഡൽഹി: മകന് നേരേ വെടിവെച്ച ശേഷം റിട്ട. എസ്.ഐ സ്വയം വെടിവച്ച് മരിച്ചു. ഗ്രേറ്റർ നോയിഡയിൽ താമസിക്കുന്ന ബച്ചൻ സിംഗാണ് (65) ജീവനൊടുക്കിയത്. വെടിയേറ്റ് ഗുരുതരമായി പരിക്കേറ്റ ബച്ചൻ സിംഗിന്റെ മകനെ ആശുപത്രിയിൽ പ്രവേശിപ്പിച്ചു.

മദ്യപാനിയായ ബച്ചൻ സിംഗും മകനും തമ്മിൽ വീട്ടിൽ വഴക്ക് പതിവാണെന്ന് പൊലീസ് പറഞ്ഞു. കഴിഞ്ഞദിവസം രാത്രിയും ഇരുവരും തമ്മിൽ വഴക്കുണ്ടായിരുന്നു. ഇതിനിടെയാണ് ബച്ചൻ സിംഗ് 35​കാരനായ മകന് നേരേ വെടി വച്ചത്. നെഞ്ചിലും കാലിലും വെടിയേറ്റ മകൻ നിലത്തുവീണതിന് പിന്നാലെ ബച്ചൻ സിംഗ് ജീവനൊടുക്കുകയായിരുന്നു.