ന്യൂയോർക്ക്: ലോകത്ത് കൊവിഡ് ബാധിതരുടെ എണ്ണം രണ്ടരക്കോടിയിലേക്ക്. ഇതുവരെ 24,897,280 പേർക്കാണ് രോഗം സ്ഥിരീകരിച്ചത്. 840,633 പേരാണ് വൈറസ് ബാധമൂലം മരണമടഞ്ഞത്. 17,285,907 പേർ രോഗമുക്തി നേടി.

കൊവിഡ് മരണങ്ങളുടെ എണ്ണത്തിൽ ഇന്ത്യ ലോക രാജ്യങ്ങളുടെ പട്ടികയിൽ മൂന്നാമതായി. ഇന്ത്യയിൽ ഇതുവരെ 62635 പേരാണ് വൈറസ് ബാധമൂലം മരണമടഞ്ഞത്. മെക്സിക്കോയെ മറികടന്നാണ് ഇന്ത്യ മൂന്നാം സ്ഥാനത്തെത്തിയത്.രാജ്യത്ത് രോഗബാധിതരുടെ എണ്ണം മുപ്പത്തിയഞ്ച് ലക്ഷത്തോടടുക്കുകയാണ്.വ്യാഴാഴ്ച 77,266 പേർക്കാണ് പുതുതായി രോഗം സ്ഥിരീകരിച്ചത്. ഇതുവരെയുള്ളതിൽ ഏറ്റവും ഉയർന്ന പ്രതിദിന കണക്കാണിത്. 1066 മരണവും റിപ്പോർട്ട് ചെയ്തു.

ചികിത്സയിലുള്ളവരുടെ എണ്ണത്തിൽ ഇന്ത്യ ബ്രസീലിനെ മറികടന്ന് ആഗോളതലത്തിൽ രണ്ടാമതായി. ഒന്നാമത് അമേരിക്കയാണ്. യു.എസിൽ ഇതുവരെ 6,094,892 പേർക്കാണ് കൊവിഡ് സ്ഥിരീകരിച്ചത്. 185,889 പേർ മരണമടഞ്ഞു.സുഖം പ്രാപിച്ചവരുടെ എണ്ണം 3,372,079 ആയി. ബ്രസീലിലും രോഗവ്യാപനം രൂക്ഷമാവുകയാണ്. 3,812,605 പേർക്കാണ് ഇതുവരെ കൊവിഡ് സ്ഥിരീകരിച്ചത്.119,594 പേർ മരണമടഞ്ഞു.രോഗമുക്തി നേടിയവരുടെ എണ്ണം 2,976,796 ആയി.