ജമ്മു: ഇന്ത്യ-പാകിസ്ഥാൻ അതിർത്തിയുടെ സമീപത്തായി ജമ്മുവിൽ സാംബ സെക്‌ടറിൽ ഇരുപത് മീ‌റ്റർ താഴ്‌ചയുള‌ള തുരങ്കം കണ്ടെത്തി. സ്ഥലത്ത് ഇന്നലെ പട്രോളിംഗ് നടത്തിയ അതിർത്തി രക്ഷാ സേന അധികൃതരാണ് ഇരു രാജ്യങ്ങളുടെ അതിർത്തിയിൽ തുരങ്കവും അതിൽ നിന്നും പാകിസ്ഥാനിൽ നിർമ്മിച്ച പത്തോളം ചാക്കുകളും കണ്ടെത്തിയത്. അന്താരാഷ്‌ട്ര അതിർത്തിയിൽ ഇന്ത്യയുടെ അതിർത്തി പോസ്‌‌റ്റിൽ നിന്നും 50 മീ‌‌റ്റർ മാത്രം അകലെയാണ് തുരങ്കം കണ്ടെത്തിയത്. പാകിസ്ഥാന്റെ അതിർത്തി പോസ്‌‌റ്റ് 400 മീ‌‌റ്റർ അരികിലാണ്. തുരങ്കത്തിൽ നിന്ന് കണ്ടെത്തിയ ചാക്കുകളിൽ മണൽ നിറച്ചിട്ടുണ്ട്. കറാച്ചിയിൽ നിർമ്മിച്ചതാണിവ. ചാക്കിലെ നിർമ്മാണ തീയതിയനുസരിച്ച് ഈയിടെ നിർമ്മിച്ചതാണ് ഇതെന്ന് അധികൃതർ വ്യക്‌തമാക്കി.
പാകിസ്ഥാനിൽ നിന്ന് ആരംഭിച്ച് ജമ്മുവിലെ സാംബ വരെയാണ് ഈ തുരങ്കമുള‌ളത്. നുഴഞ്ഞുകയ‌റ്റക്കാരാകാം തുരങ്കം നിർമ്മിച്ചതെന്ന് ബി.എസ്.എഫ് ഐജി എൻ.എസ്.ജാംവാൽ വ്യക്തമാക്കി.

A tunnel has been found in Samba, Jammu and Kashmir by Border Security Force (BSF).

The tunnel starts in Pakistan along the border and ends in Samba, according to Jammu BSF IG NS Jamwal. pic.twitter.com/qJJIH2atYd

— ANI (@ANI) August 29, 2020