വാഷിംടൺ: കല്യാണത്തിനിടയ്ക്ക് വെള്ളിടി വെട്ടിയാലോ?.. മസാച്ചുസെറ്റ്‌സിൽ നടന്ന ഒരു വിവാഹത്തിനിടെ കഴിഞ്ഞ ശനിയാഴ്ചയാണ് സംഭവം. വീടിന് പുറത്ത് ഒരുക്കിയ പന്തലിലായിരുന്നു ആരോൺ സവിറ്റ്‌സ്‌കിയുടെയും ഡെനിസ് മക് ക്ല്യുവറിന്റെയും വിവാഹ പന്തലൊരുക്കിയിരുന്നത്. അതിനിടെയാണ് വരന്റെ തമാശ, 2020 ഒരു നല്ല വർഷമല്ല, എങ്കിലും നാമതിനെ അഭിമുഖീകരിച്ചേ പറ്റൂ'...തമാശ ശരിവയ്ക്കുന്നത് പോലെ തൊട്ടുപിന്നാലെ അതിശക്തമായ ഇടിമിന്നലുണ്ടായി.

'പ്രകൃതിയുടെ ഹ്യൂമർ സെൻസ് അത്ര പോര' എന്ന കുറിപ്പോടെ സംഭവത്തിന്റെ വീഡിയോ ആരോൺ ഇൻസ്റ്റഗ്രാമിൽ ഷെയർ ചെയ്തു. ഭാഗ്യത്തിന് ആർക്കും ഷോക്കേറ്റില്ലെന്നും മഴ ആരംഭിക്കുന്നതിന് മുമ്പ് ചടങ്ങുകൾ പൂർത്തിയാക്കിയെന്നും ആരോൺ കൂട്ടിച്ചേർത്തു. ആരോണിന്റെ വീഡിയോ ഇതുവരെ 95,000 ത്തോളം പേർ ഇൻസ്റ്റഗ്രാമിൽ കണ്ടുകഴിഞ്ഞു.