ന്യൂഡൽഹി: പ്രമുഖ സ്മാര്‍ട്ട്‌ഫോണ്‍ നിര്‍മ്മാതാക്കളായ ഷവോമി ബജറ്റ് സെഗ്മെന്റിലേക്കുള്ള തങ്ങളുടെ പുത്തന്‍ സ്മാര്‍ട്ട് ഫോണ്‍ ശ്രേണി റെഡ്മി 9-ലെ ആദ്യ ഫോണ്‍ ഈ മാസം 4-നാണ് ലോഞ്ച് ചെയ്തത്. 9,999 രൂപ മുതല്‍ വില ആരംഭിക്കുന്ന റെഡ്മി 9 പ്രൈം ആണ് ആദ്യ ഫോണ്‍. തൂടര്‍ന്ന് ഈ മാസം തന്നെ 27-ന് മലേഷ്യന്‍ വിപണിയില്‍ വില്പനയിലുള്ള റെഡ്മി 9സി ഫോണിനെ റീബ്രാന്‍ഡ് ചെയ്ത് റെഡ്മി 9 എന്ന പേരില്‍ ഇന്ത്യയില്‍ ലോഞ്ച് ചെയ്തത്.

8,999 രൂപ മുതലാണ് റെഡ്മി 9 ഫോണിന്റെ വില. കഴിഞ്ഞില്ല, റെഡ്മി 9 ശ്രേണിയിലേക്ക് മറ്റൊരു ഫോണ്‍ കൂടെ ലോഞ്ച് ചെയ്യാന്‍ തയ്യാറെടുക്കുകയാണ് ഷവോമി, റെഡ്മി 9എ. അടുത്ത മാസം രണ്ടാം തിയതിയാണ് റെഡ്മി 9എ-യുടെ ലോഞ്ച് ക്രമീകരിച്ചിരിക്കുന്നത്. പുത്തന്‍ റെഡ്മി 9 ഫോണ്‍ ശ്രേണിയിലെ ഏറ്റവും വിലക്കുറവുള്ള മോഡല്‍ ആയാണ് റെഡ്മി 9എ-യുടെ വരവ്. റെഡ്മി 9എ-യെപ്പറ്റി 7 കാര്യങ്ങള്‍ അറിയാം.

1. എന്‍ട്രി ലെവല്‍ ബജറ്റ് സ്മാര്‍ട്ട്‌ഫോണ്‍ ആയ റെഡ്മി 9എ-യുടെ 2 ജിബി + 32 ജിബി സ്റ്റോറേജ് വേരിയന്റിന് ഏകദേശം 6,300 രൂപയാണ് മലേഷ്യന്‍ വിപണിയില്‍ വില.

2. മിഡ്നൈറ്റ് ഗ്രേ, പീകോക്ക് ഗ്രീന്‍, ട്വലൈറ്റ് ബ്ലൂ എന്നിങ്ങനെ മൂന്ന് നിറങ്ങളലില്‍ റെഡ്മി 9എ വില്പനക്കെത്തും.

3. ആന്‍ഡ്രോയിഡ് 10 അധിഷ്ഠിത MIUI 11 ഓപ്പറേറ്റിംഗ് സിസ്റ്റത്തില്‍ പ്രവര്‍ത്തിക്കുന്ന ഡ്യുവല്‍ സിം ഫോണാണ് റെഡ്മി 9എ.

4. 6.53 ഇഞ്ച് എച്ച്ഡി + ഡോട്ട് ഡ്രോപ്പ് സ്‌റ്റൈല്‍ ഡിസ്പ്ലേയും, മീഡിയടെക് ഹെലിയോ ജി25 SoC പ്രൊസസറുമാണ് റെഡ്മി 9എയില്‍.

5. 13 മെഗാപിക്‌സല്‍ പിന്‍ ക്യാമറയും 5 മെഗാപിക്‌സല്‍ സെല്‍ഫി ക്യാമറയുമാണ് റെഡ്മി 9എ-യ്ക്ക്.

6. 10W ഫാസ്റ്റ് ചാര്‍ജിങ് സപ്പോര്‍ട്ടുള്ള 5,000mAh ബാറ്ററിയാണ് റെഡ്മി 9എ-യ്ക്ക്.

7. 4G വോള്‍ട്ടേ, വൈ-ഫൈ 802.11 802.11 ബി/ജി/എന്‍, ബ്ലൂടൂത്ത് 5, ജി.പി.എസ്, യു.എസ്.ബി ടൈപ്പ്-സി എന്നിവയാണ് കണക്ടിവിറ്റി ഓപ്ഷനുകള്‍.