എ​ട​പ്പാൾ: ഭി​ക്ഷാ​ട​ക​നിൽ നിന്നും തുട​ങ്ങിയ കൊവിഡ് രോഗവ്യാപനം സ്വർ​ണ​ക്കട ജീ​വ​ന​ക്കാ​രിലെത്തി നിൽക്കുമ്പോൾ ആടിയുലഞ്ഞ് എടപ്പാളിലെ വ്യാപാരരംഗം. പൊതുവേ മന്ദഗതിയിലായ മേഖല തുടർച്ചയായി ഏർപ്പെടുത്തുന്ന നിയന്ത്രണങ്ങളിൽ പെട്ട് ഉഴറുകയാണ്. വ്യാ​ഴാ​ഴ്ച​ മുതൽ പ്രദേശം ക​ണ്ടെ​യ്ൻ​മെന്റ് സോ​ണാണ്. നേര​ത്തെ മൂ​ന്ന് ഘ​ട്ട​ങ്ങ​ളിൽ പ്ര​ദേ​ശം റെ​ഡ് സോ​ണി​ലാ​യി​രുന്നു. ഇ​ത് ഏറ്റവുമധികം ബാ​ധിച്ച​ത് എ​ട​പ്പാ​ളി​ലെ വ്യാ​പാ​രി സ​മൂ​ഹ​ത്തെ​യാ​ണ്.
അ​ത്തം തു​ട​ങ്ങി​യ​തോടെ ഓ​ണക്ക​ച്ച​വ​ട​ത്തി​ന് തു​ട​ക്ക​മാ​വു​ക​യാണ്. എ​ന്നാൽ നി​യ​ന്ത്ര​ണ​ങ്ങ​ൾ വ്യാപാരികളുടെ പ്രതീക്ഷ ഇല്ലാതാക്കുന്നു. 50 ശ​ത​മാ​നം ജീ​വ​ന​ക്കാ​രു​ടെ തൊ​ഴിൽ ത​ന്നെ ഇല്ലാ​തായി. പ​ല ക​ടയു​ട​മ​ക​ളും കെട്ടി​ടവാ​ട​ക നൽ​കാനാവാത്ത അവസ്ഥയിലാണ്.

കർ​ഷ​ക​രു​ടെ ഉ​ത്സ​വ​മാ​യി അ​റി​യ​പ്പെ​ടു​ന്ന മ​ല​ബാ​റി​ലെ ത​ന്നെ പഴ​ക്കം ചെ​ന്ന എ​ട​പ്പാൾ പൂരാ​ട വാ​ണി​ഭ​ത്തിനും പുതി​യ സ്ഥി​തി തി​രി​ച്ച​ടി​യുണ്ടാക്കിയേക്കും. ഉൾപ്ര​ദേശ​ത്തെ നാ​ടൻ നേ​ന്ത്ര​ക്കുല​കളെത്തിച്ചു വിൽക്കുന്ന പൂരാ​ട വാ​ണി​ഭം മുടങ്ങിയാൽ കർ​ഷ​കർക്കിത് വലിയ തിരിച്ചടിയാവും.