മലപ്പുറം: കരിപ്പൂർ വിമാനത്തവളം വഴി ഇസ്തിരിപ്പെട്ടിക്കുള്ളിൽ ഒളിപ്പിച്ചു കടത്താൻ ശ്രമിച്ച 24ലക്ഷം രൂപയുടെ സ്വർണവുമായി യുവാവ് പിടിയിൽ. ജിദ്ദയിൽ നിന്നും സ്പൈസ് ജെറ്റ് വിമാനത്തിൽ 500 ഗ്രാം സ്വർണം ഒളിപ്പിച്ചുകടത്താൻ ശ്രമിച്ച മലപ്പുറം പട്ടിക്കാട് സ്വദേശി മൂസയെയാണ് എയർ ഇന്റലിജൻസ് വിഭാഗം പിടികൂടിയത്. ഇലക്രേ്ടാണിക് ഇസ്തിരിപ്പെട്ടിക്കുള്ളിൽ ദ്വാരമുണ്ടാക്കി അകത്ത് ഒളിപ്പിച്ചാണ് കടത്താൻ ശ്രമിച്ചത്. യാത്രക്കാരുടെ ബാഗ് പരിശോധിക്കുന്നതിനിടെയാണ് സ്വർണം കണ്ടെത്തിയത്. ഡെപ്യൂട്ടി കമ്മീിഷണർ ടി.എ. കിരൺ, കെ.പി. മനോജ്, കെ.സുധീർ, ആശ, രാമേന്ദ്ര സിംഗ് ചന്ദൻ , ഹവിൽദാർ നരേഷ്, അശോകൻ തുടങ്ങിയ ഉദ്യോഗസ്ഥരുടെ നേതൃത്വത്തിലാണ് സ്വർണം പിടികൂടിയത്.