കോന്നി : ഗവ.മെഡിക്കൽ കോളേജിലെ ശുചീകരണ ജോലികൾ തുടങ്ങി. നിർമ്മാണം പൂർത്തീകരിച്ച ഭാഗങ്ങൾ ശുചീകരിച്ച് ഉപയോഗയോഗ്യമാക്കുന്നതിനുള്ള പ്രവർത്തനങ്ങളാണ് നടക്കുന്നത്. പ്രദേശവാസികളാണ് പ്രവർത്തനങ്ങൾക്ക് നേതൃത്വം നൽകുന്നത്. മോപ്പിംഗ് മെഷീനും ഉപയോഗിക്കുന്നുണ്ട് . ശുചീകരണ പ്രവർത്തനങ്ങൾ കെ.യു.ജനീഷ് കുമാർ എം.എൽ.എ വിലയിരുത്തി. പെയിന്റിംഗ് ജോലിയും നടന്നുവരുകയാണ്. ഗ്രൗണ്ട് ഫ്ളോറിലെ പ്രവർത്തനങ്ങളാണ് പൂർത്തിയാകാനുളളത്.
ഗ്രൗണ്ട് ഫ്‌ളോറിൽ കൈവരികളുടെ നിർമ്മാണവും നടക്കുന്നുണ്ട്. ഒ.പി പ്രവേശന കവാടത്തിലെ കൈവരി നിർമ്മാണം തുടങ്ങി. എ.സി പ്ലാന്റ്, ഡി.ജി സെ​റ്റ്, എച്ച്.​ടി ലൈൻ എന്നിവയുടെ നിർമ്മാണവും അവസാന ഘട്ടത്തിലെത്തി.