ഇരവിപേരൂർ : പ്രത്യക്ഷ രക്ഷാ ദൈവ സഭ ജനറൽ സെക്രട്ടറിയായും വൈസ് പ്രസിഡന്റായും ദീർഘകാലം സേവനം ചെയ്ത മുട്ടപ്പള്ളിൽ മുക്കടമണ്ണിൽ എം.എസ്. കുട്ടപ്പൻ ( കെ.എസ്.ഇ.ബി റിട്ടേർഡ് സൂപ്രണ്ട് - 80) നിര്യാതനായി. 1969 ൽ പി. ആർ.ഡി.എസ് മുട്ടപ്പിള്ളി ശാഖാംഗമായ ഇദ്ദേഹം 1970 ൽ പി. ആർ.ഡി.എസ് മുഖപത്രമായ ആദിയർദീപം എഡിറ്റോറിയൽ ബോർഡംഗം, 1972ൽ സഹ ഉപദേഷ്ടാവ്, യുവജനസംഘം ജനറൽ സെക്രട്ടറി, 1975 ൽ ഹൈകൗൺസിൽ അംഗം എന്നീ നിലകളിൽ പ്രവർത്തിച്ചു.
സംസ്കാരം ഇന്ന് ഉച്ചയ്ക്ക് ഒന്നിന് സഭാ ആസ്ഥാനമായ ഇരവിപേരൂർ ശ്രീകുമാർ നഗറിലെ ശ്മശാനത്തിൽ നടക്കും.
ഭാര്യ : രാജമ്മ സുഗതൻ ( റിട്ടയേർഡ് ഹെഡ്മിസ്ട്രസ്സ് ഗവ.എൽ.പി.എസ്. മുട്ടപ്പിള്ളി) മണ്ണുപറമ്പിൽ കുടുംബാംഗമാണ്.
മക്കൾ : ഡോ.കെ.സുരേഷ്‌കുമാർ, (കാൻസർ വിഭാഗം യൂണീറ്റ് ചീഫ്, മെഡിക്കൽ കോളേജ്, കോട്ടയം), കെ.രാജേഷ്‌കുമാർ (കെ.എസ്.ഐ.ഇ അസിസ്റ്റന്റ് മാനേജർ), കെ. സുമേഷ്‌കുമാർ ( സീനിയർ മാനേജർ സൗത്ത് ഇന്ത്യൻ ബാങ്ക്, കറുകച്ചാൽ). മരുമക്കൾ : ഡോ. സുധാകുമാരി വി.സി. (ഗവൺമെന്റ് ആശുപത്രി, അയർക്കുന്നം), സുജ (പി.ജി. ഗവൺമെന്റ് യു.പി. സ്‌കൂൾ അദ്ധ്യാപിക,പെരുമ്പളം), ഡോ. നവജീവനാ റാണി മുക്കൂട്ടുതറ.