ചിറ്റാർ :വനപാലകരുടെ കസ്റ്റഡിയിൽ കൊല്ലപ്പെട്ട മത്തായിയുടെ മരണത്തിന് ഉത്തരവാദികളായ വനപാലകർക്കെതിരെ നരഹത്യയ്ക്ക് കേസെടുക്കണമെന്ന് കോൺഗ്രസ് വർക്കിംഗ് പ്രസിഡന്റ് കൊടിക്കുന്നിൽ സുരേഷ് എം.പി ആവശ്യപ്പെട്ടു. സമരം ശക്തമാക്കുന്നതിന്റെ ഭാഗമായി എല്ലാ മണ്ഡലം കോൺഗ്രസ് കമ്മിറ്റികളും അനുഭാവ സത്യാഗ്രഹം നടത്തണമെന്ന് ഡി.സി.സി പ്രസിഡന്റ് ബാബു ജോർജ് പറഞ്ഞു.ചിറ്റാർ ഫോറസ്റ്റ് സ്റ്റേഷനു മുൻപിൽ നടന്നുവരുന്ന റിലേ സത്യാഗ്രഹം അഞ്ചാം ദിവസത്തിലേക്ക് കടന്നു. രാവിലെ നടന്ന ഉപവാസ സമരം മഹിളാ കോൺഗ്രസ് പ്രസിഡന്റ് ലതികാ സുഭാഷ് ഉദ്ഘാടനം ചെയ്തു. സമാപന സമ്മേളനം കൊടിക്കുന്നിൽ സുരേഷ് എം.പി ഉദ്ഘാടനം ചെയ്തു.ഡി.സി.സി പ്രസിഡന്റ് ബാബു ജോർജ്ജ്,ഡിസിസി ഭാരവാഹികളായ എ.സുരേഷ് കുമാർ,വെട്ടൂർ ജ്യോതിപ്രസാദ്, സാമുവൽ കിഴക്കുപുറം, വി.ആർ സോജി, ബ്ലോക്ക് കോൺഗ്രസ് കമ്മിറ്റി പ്രസിഡന്റ് റോയിച്ചൻ എഴിക്കകത്ത്, ബഷീർ വെള്ളത്തറയിൽ, കുഞ്ഞുകുഞ്ഞമ്മ ജോസഫ്, ദീനാമ്മ റോയി, ബിജി മോനച്ചൻ, ഷൈലാ രവി, ജോയൽ മാത്യു എന്നിവർ സംസാരിച്ചു.നാളെ ഡി.സി.സി വൈസ് പ്രസിഡന്റുമാരായ വെട്ടൂർ ജ്യോതിപ്രസാദ്, റോബിൻ പീറ്റർ, ബ്ലോക്ക് കോൺഗ്രസ് കമ്മിറ്റി പ്രസിഡന്റുമാരായ റോയിച്ചൻ എഴിക്കകത്ത്, എസ്. സന്തോഷ് കുമാർ എന്നിവർ ഉപവാസം അനുഷ്ഠിക്കും.