പത്തനംതിട്ട : പരിസ്ഥിതിയും പ്രകൃതിയും തകർക്കുന്ന വൻകിട കോർപ്പറേറ്റുകൾക്ക് സഹായകരമായ പരിസ്ഥിതി ആഘാത പഠനം നടത്താതെ വ്യവസായങ്ങൾക്ക് അനുമതി നൽകുന്ന വ്യവസ്ഥകൾ അടങ്ങിയ കരട് ഇ.ഐ.എ റിപ്പോർട്ട് 2020 കേന്ദ്രം പുനഃപരിശോധിക്കണമെന്ന് ജനാധിപത്യ കേരളാ യൂത്ത് ഫ്രണ്ട് ജില്ലാ കമ്മിറ്റി ആവശ്യപ്പെട്ടു. ജനാധിപത്യ കേരളാ യൂത്ത് ഫ്രണ്ട് ജില്ലാ പ്രസിഡന്റ് ഫിന്നി മുള്ളനിക്കാട് വീഡിയോ കോർഫറൻസിലൂടെ യോഗം ഉദ്ഘാടനം ചെയ്തു. ജനാധിപത്യ കേരളാ യൂത്ത് ഫ്രണ്ട് സംസ്ഥാന ഓഫീസ് ചാർജ്ജ് ജനറൽ സെക്രട്ടറി ഡോ.റോബിൻ.പി.മാത്യു മുഖ്യപ്രഭാഷണം നടത്തി.ജനാധിപത്യ കേരളാ കോൺഗ്രസ് ജില്ലാ പ്രസിഡന്റ് രാജു നെടുവംപുറം, അഡ്വ.ഗ്രീനി ടി.വർഗീസ്, ഗീവർഗീസ് ബിജി നെല്ലിക്കുന്നത്, ജിതിൻ കൈപ്പട്ടൂർ, റെജി തണ്ണിത്തോട്, ബിജോ ബാബു മെഗാ റെയ്ച്ചൽ എന്നിവർ പങ്കെടുത്തു.