പത്തനംതിട്ട : ജില്ലയിൽ ഇന്നലെ 75 പേർക്ക് കൊവിഡ്19 സ്ഥിരീകരിച്ചു.

33 പേർ രോഗമുക്തരായി. ഇന്നലെ രോഗം സ്ഥിരീകരിച്ചവരിൽ 12 പേർ വിദേശ രാജ്യങ്ങളിൽ നിന്ന് വന്നവരും 17 പേർ മറ്റു സംസ്ഥാനങ്ങളിൽ നിന്നും വന്നവരും 46 പേർ സമ്പർക്കത്തിലൂടെ രോഗം ബാധിച്ചവരുമാണ്.
ഏഴു ദിവസങ്ങൾ തുടർച്ചയായി രോഗം റിപ്പോർട്ട് ചെയ്തിട്ടില്ലാത്തതിനാൽ പത്തനംതിട്ട എ.ആർ ക്യാമ്പ് ക്ലസ്റ്റർ, കുറ്റപ്പുഴ ക്ലസ്റ്റർ, കോട്ടാങ്ങൽ ക്ലസ്റ്റർ എന്നിവ നിയന്ത്രണവിധേയമായതായി പ്രഖ്യാപിച്ചു.

ജില്ലയിൽ ഇതുവരെ ആകെ 1918 പേർക്ക് രോഗം സ്ഥിരീകരിച്ചിട്ടുണ്ട്. ഇതിൽ 908 പേർ സമ്പർക്കം മൂലം രോഗം സ്ഥിരീകരിച്ചവരാണ്. ഇന്നലെ 33 പേർ രോഗമുക്തരായി. ആകെ രോഗമുക്തരായവരുടെ എണ്ണം 1658 ആണ്.

ജില്ലക്കാരായ 258 പേർ രോഗികളായിട്ടുണ്ട്. ഇതിൽ 250 പേർ ജില്ലയിലും എട്ടുപേർ ജില്ലയ്ക്ക് പുറത്തും ചികിത്സയിലാണ്. പത്തനംതിട്ട ജനറൽ ആശുപത്രിയിൽ 82 പേരും കോഴഞ്ചേരി ജില്ലാ ആശുപത്രിയിൽ 45 പേരും, അടൂർ ജനറൽ ആശുപത്രിയിൽ നാലുപേരും റാന്നി മേനാംതോട്ടം സി.എഫ്.എൽ.ടി.സിയിൽ 37 പേരും പന്തളം അർച്ചന സി.എഫ്.എൽ.ടി.സിയിൽ 31 പേരും കോഴഞ്ചേരി മുത്തൂറ്റ് നഴ്സിംഗ് കോളേജ് സി.എഫ്.എൽ.ടി.സിയിൽ 56 പേരും ഐസൊലേഷനിൽ ഉണ്ട്. സ്വകാര്യ ആശുപത്രികളിൽ 27 പേർ ഐസൊലേഷനിൽ ഉണ്ട്. ജില്ലയിൽ ആകെ 282 പേർ വിവിധ ആശുപത്രികളിൽ ഐസോലേഷനിൽ ആണ്. ഇന്ന് പുതിയതായി 19 പേരെ ഐസൊലേഷനിൽ പ്രവേശിപ്പിച്ചു.
ജില്ലയിൽ 5049 കോൺടാക്ടുകൾ നിരീക്ഷണത്തിൽ ഉണ്ട്. വിദേശത്തുനിന്നും തിരിച്ചെത്തിയ 1332 പേരും മറ്റ് സംസ്ഥാനങ്ങളിൽ നിന്നും തിരിച്ചെത്തിയ 1481 പേരും നിലവിൽ നിരീക്ഷണത്തിലാണ്. വിദേശത്തുനിന്നും ഇന്നലെ തിരിച്ചെത്തിയ 103 പേരും മറ്റ് സംസ്ഥാനങ്ങളിൽ നിന്നും ഇന്നലെ എത്തിയ 79 പേരും ഇതിൽ ഉൾപ്പെടുന്നു. ആകെ 7862 പേർ നിരീക്ഷണത്തിലാണ്.