പത്തനംതിട്ട : ജില്ലയിൽ ദുരിതാശ്വാസ ക്യാമ്പുകളിൽ കഴിഞ്ഞവരിൽ കോന്നി, അടൂർ, മല്ലപ്പള്ളി താലൂക്കുകളിലെ മുഴുവൻപേരും വീടുകളിലേക്കു മടങ്ങി. തിരുവല്ല, കോഴഞ്ചേരി, റാന്നി താലൂക്കുകളിലെ 42 ദുരിതാശ്വാസ ക്യാമ്പുകളിൽ 706 കുടുംബങ്ങളിലെ 2212 പേരാണ് അവശേഷിക്കുന്നത്. ഇതിൽ 878 പുരുഷൻമാരും 950 സ്ത്രീകളും 384 കുട്ടികളും ഉൾപ്പെടുന്നു. ക്യാമ്പുകളിൽ കഴിയുന്നവരിൽ 60 വയസിനു മുകളിലുള്ള 108 പേരും ഉൾപ്പെടും.
ഏറ്റവും കൂടുതൽപേർ ദുരിതാശ്വാസ ക്യാമ്പിലുള്ളതു തിരുവല്ല താലൂക്കിലാണ്. ഇവിടെ 39 ക്യാമ്പുകളിലായി 601 കുടുംബങ്ങളിലെ 1852 പേരെയാണു താമസിപ്പിച്ചിരിക്കുന്നത്. ഇതിൽ 759 പുരുഷൻമാരും 799 സ്ത്രീകളും 294 കുട്ടികളും ഉൾപ്പെടുന്നു. തിരുവല്ല താലൂക്കിലെ ക്യാമ്പുകളിൽ 60 വയസിനു മുകളിലുള്ള 74 പേരാണു കഴിയുന്നത്.
കോഴഞ്ചേരി താലൂക്കിൽ രണ്ടു ക്യാമ്പുകളിലായി 91 കുടുംബങ്ങളിലെ 320 പേരാണു താമസിക്കുന്നത്. ഇതിൽ 104 പുരുഷൻമാരും 135 സ്ത്രീകളും 81 കുട്ടികളും ഉൾപ്പെടും. ഇക്കൂട്ടത്തിൽ 60 വയസിനു മുകളിലുള്ള 32 പേരും ഉണ്ട്.
റാന്നി താലൂക്കിൽ ഒരു ക്യാമ്പിൽ 14 കുടുംബങ്ങളിൽ നിന്നായി 40 പേരാണു കഴിയുന്നത്. ഇതിൽ 15 പുരുഷൻമാരും 16 സ്ത്രീകളും ഒൻപത് കുട്ടികളും ഉൾപ്പെടുന്നു. ഇവിടെ 60 വയസിനു മുകളിലുള്ള രണ്ടു പേരുമുണ്ട്.

ജില്ലയിൽ 42 ദുരിതാശ്വാസ ക്യാമ്പുകളിൽ
മൂന്നു താലൂക്കുകളിലെ 706 കുടുംബങ്ങളിലെ 2212 പേർ