പന്തളം: നഗരസഭാ പരിധിയിൽ താമസിക്കുന്ന ബാർബർ തൊഴിൽ ചെയ്ത വരുന്ന പിന്നാക്ക സമുദായത്തിൽപ്പെട്ടവർക്ക് തൊഴിൽ നവീകരണത്തിന് ധനസഹായം നൽകുന്ന ബാർബർ ഷോപ്പ് നവീകരണത്തിനുള്ള ധനസഹായം എന്ന പദ്ധതിക്ക് അപേക്ഷ ക്ഷണിക്കുന്നു. അപേക്ഷകർ സംസ്ഥാനത്തെ പിന്നാക്ക സമുദായ ലിസ്റ്റിൽ (ഒ.ബി.സി) ഉൾപ്പപ്പെട്ടവരും, പരമ്പരാഗതമായി ബാർബർ തൊഴിലിൽ ഏർപ്പെട്ടവരും ആയിരിക്കണം.1. അപേക്ഷകർക്കുള്ള പരമാവധി ഗ്രാന്റ് 25,000/- രൂപ ആയിരിക്കും, 2. അപേക്ഷ സമർപ്പിക്കുന്നതിനുള്ള പരമാവധി പ്രായ പരിധി 60 വയസ്, 3. അപേക്ഷാ ഫോറം www.bcdd.kerala.gov.in എന്ന വെബ് സൈറ്റിൽ ലഭ്യമാണ്. 4. പാസ്പോർട്ട് വലിപ്പത്തിലുള്ള ഫോട്ടോ പതിച്ച പൂരിപ്പിച്ച അപേക്ഷയും, - അനുബന്ധ രേഖകളും സ്ഥാപനം പ്രവർത്തിക്കുന്ന സ്ഥലത്തെ തദ്ദേശ സ്ഥാപന സെക്രട്ടറിക്ക് 31/08/2020-ന് മുമ്പായി സമർപ്പിക്കേണ്ടതാണ്.