പത്തനംതിട്ട: തിരുവനന്തപുരം അന്താരാഷ്ട്ര വിമാനത്താവളത്തിന്റെ നടത്തിപ്പ് ചുമതല 50 വർഷ കാലാവധിയിൽ സ്വകാര്യ കുത്തക കമ്പനിയായ അദാനി ഗ്രൂപ്പിനു കൈമാറുവാനുള്ള കേന്ദ്ര സർക്കാരിന്റേയും എയർപോർട്ട് അതോറിട്ടി ഓഫ് ഇൻഡ്യയുടേയും തീരുമാനം അടിയന്തരമായി പിൻവലിക്കണമെന്ന് കേരളാ പ്രദേശ് പ്രവാസി കോൺഗ്രസ് സംസ്ഥാന ജനറൽ സെക്രട്ടറി സാമുവൽ കിഴക്കുപുറം ആവശ്യപ്പെട്ടു. വിമാനത്താവള നടത്തിപ്പ് സംബന്ധിച്ച് സംസ്ഥാന സർക്കാരിന്റെ നീക്കങ്ങൾ ലേലത്തിലൂടെ അവകാശം നേടിയ അദാനി ഗൂപ്പിനെ സഹായിക്കുന്നതും ജനങ്ങളെ വഞ്ചിക്കുന്ന ഒത്തുകളിയും കാപട്യവുമാണെന്നും ഇതിനെതിരെ സമര പരിപാടികൾക്ക് പ്രവാസി കോൺഗ്രസ് നേതൃത്വം നൽകുമെന്നും സാമുവൽ കിഴക്കുപുറം പറഞ്ഞു.