മല്ലപ്പള്ളി - അവധിക്ക് നാട്ടിലെത്തി യുവതിയുമായി ഒളിച്ചോടിയ സൈനികനായ യുവാവിന് കൊവിഡ് സ്ഥിരീകരിച്ചു. ഏറെക്കാലമായി പ്രണയത്തിലായിരുന്ന ഇരുവരും മുങ്ങിയതിനെ തുടർന്ന് യുവതിയുടെ ബന്ധുക്കൾ പൊലീസിൽ പരാതി നൽകിയിരുന്നു. ഇന്നലെ രാവിലെ കീഴ്വായ്പ്പൂര് പൊലീസ് സ്റ്റേഷനിൽ എത്തുമെന്ന് കമിതാക്കൾ അറിയിച്ചിരുന്നു.. ഇതിനിടെയാണ് യുവാവിന് കൊവിഡ് സ്ഥിരീകരിച്ചതായി ആരോഗ്യവകുപ്പ് അറിയിച്ചത്. യുവതിയെ നിരീക്ഷണത്തിൽ പ്രവേശിപ്പിച്ചു. ഇതര സംസ്ഥാനത്തുനിന്ന് എത്തി നിരീക്ഷണ സമയത്ത് പുറത്തിറങ്ങിയതിന് യുവാവിനെതിരെ കേസെടുത്തതായി പൊലീസ് ഇൻസ്‌പെക്ടർ സി.ടി. സഞ്ജയ് അറിയിച്ചു.