ഇ​ര​വി​പു​രം: ബൈക്കിലെത്തി പെട്രോൾ അടിച്ചശേഷം പണം ആവശ്യപ്പെട്ടതിന്റെ വൈരാഗ്യത്തിൽ പെട്രോൾ പമ്പ് ജീവനക്കാരനെ ആക്രമിച്ചശേഷം കടന്ന സംഘത്തിലെ ഒരാൾ പിടിയിലായി. അക്രമി സംഘത്തിലെ മ​റ്റ് ​ര​ണ്ടുപേർ​ക്കാ​യി പൊ​ലീ​സ് അ​ന്വേ​ഷ​ണം ഊർ​ജ്ജി​ത​മാ​ക്കി. വടക്കേ​വി​ള പു​ന്ത​ലത്താ​ഴം നേതാ​ജി ന​ഗർ 49 ച​രു​വി​ള വീ​ട്ടിൽ അ​ജി​ത്താണ് (20) അ​റ​സ്റ്റി​ലാ​യ​ത്. പമ്പ് ജീവനക്കാരനും പുന്തലത്താഴം സ്വദേശിയുമായ ഗോകുലാണ് ആക്രമണത്തിനിരയായത്.

ഞാ​യ​റാ​ഴ്​ച്ച രാ​ത്രി എ​ട്ട​ര​യോ​ടെ അ​യ​ത്തിൽ ബൈ​പാ​സിന് സമീപത്തെ പെട്രോൾ പ​മ്പി​ലാ​യി​രു​ന്നു സം​ഭ​വം. ബൈ​ക്കിലെത്തി പെ​ട്രോൾ അ​ടി​ച്ച യുവാക്കൾ പ​ണം നൽകാതെ കടക്കാൻ ശ്രമിച്ചു. ഇത് ചോദ്യം ചെയ്തതിനെ തുടർന്നാണ് ഗോകുലിനെ മൂന്നുപേരും ചേർന്ന് മർദ്ദിച്ചത്. ഇതുക​ണ്ട് തടയാനെത്തിയ മറ്റ് ജീവനക്കാരെയും പമ്പ് ഉടമയെയും ആക്രമിച്ച ശേഷമാണ് ഇവർ കടന്നുകളഞ്ഞത്. സം​ഭ​വ​മ​റി​ഞ്ഞ് സ്ഥ​ല​ത്തെ​ത്തി​യ ഇ​ര​വി​പു​രം പൊ​ലീ​സ് ബൈ​ക്കി​ന്റെ ന​മ്പ​രും സി.സി.ടി.വി ദൃ​ശ്യ​ങ്ങ​ളും കേ​ന്ദ്രീ​ക​രി​ച്ച് ന​ട​ത്തി​യ അ​ന്വേ​ഷ​ണ​ത്തി​ലാ​ണ് സംഘത്തിലെ ഒരാൾ പിടിയിലായത്.