ഓച്ചിറ: വീടിന്റെ നിർമ്മാണ പ്രവർത്തനത്തിനിടെ ഷോക്കേറ്റ് തൊഴിലാളി മരിച്ചു. വലിയകുളങ്ങര ചിറയിൽ രഘുനാഥനാണ് (57) മരിച്ചത്. പുതുപ്പള്ളി കുന്നേത്ത് തറയിൽ കുടുംബാംഗമാണ്.

ഇന്നലെ രാവിലെ 9.30 ന് മേമനയിൽ വീടിന്റെ നിർമ്മാണ പ്രവർത്തനത്തിനിടെ മുറിക്കുള്ളിൽ ലൈറ്റ് കത്തിക്കാൻ ശ്രമിക്കുമ്പോഴാണ് വൈദ്യുതാഘാതമേറ്റതെന്ന് പൊലീസ് പറഞ്ഞു. മൃതദേഹം കൊവിഡ് പരിശോധനയ്ക്കായി ജില്ലാ ആശുപത്രി മോർച്ചറിയിൽ സൂക്ഷിച്ചിരിക്കുന്നു. സംസ്കാരം ഇന്ന് ഉച്ചയ്ക്ക് 2ന്. ഭാര്യ: ശോഭനാദേവി. മക്കൾ: രജനീഷ് (ബിവറേജസ് കോർപ്പറേഷൻ, കറ്റാനം), രാജി. മരുമക്കൾ: ആരതി, രാജേഷ്.