കു​ണ്ട​റ: കഴിഞ്ഞ ദിവസം രാത്രിയിലെ ശക്തമായ മ​ഴ​യി​ലും കാ​റ്റി​ലും ക​ല്ല​ട​യി​ലും കു​ണ്ട​റ​യി​ലുമായി അൻപതോളം വീ​ടു​കൾ​ക്ക് നാ​ശ​ന​ഷ്ട​ങ്ങ​ളു​ണ്ടാ​യി. ഇ​ട​വി​ട്ട് വീ​ശു​ന്ന കാ​റ്റിൽ നാ​ശ​ന​ഷ്ട​ങ്ങൾ വർദ്ധിക്കുകയാണ്.കി​ഴ​ക്കേക​ല്ല​ട​യിൽ മു​പ്പ​തോ​ളം വീ​ടു​കൾ​ക്ക് മുകളിലേക്ക് മ​ര​ങ്ങൾ ​വീ​ണ് ഭാ​ഗി​ക​മാ​യ നാ​ശ​ന​ഷ്ട​ങ്ങ​ളു​ണ്ടാ​യി. കു​ഴി​മ​തി​ക്കാ​ട് കീ​ഴൂ​ട്ട് മേ​ല​തിൽ സു​ധ​കു​മാ​റി​ന്റെ വീ​ടി​ന് ​മു​ക​ളി​ലേ​ക്ക് പുരയിടത്തിൽ നിന്നിരുന്ന തേക്ക് വീണ് മേൽക്കൂര തകർന്നു. രാത്രി ഒൻപതോടെയാണ് മരം വീണത്. സുധകുമാറും സഹോദരൻ ചന്ദ്രകുമാറും ഭാഗ്യവശാൽ പരിക്കേൽക്കാതെ രക്ഷപ്പെടുകയായിരുന്നു. കി​ഴ​ക്കേ​ക​ല്ല​ട മാർ​ത്താ​ണ്ഡ​പു​ര​ത്ത് സർ​പ്പ​ക്കാ​വിൽ​ നി​ന്ന കൂ​റ്റൻമ​രം കൊ​ല്ലം - തേ​നി ദേ​ശീ​യ​പാ​ത​യി​ലേ​ക്ക് കടപുഴകിവീ​ണു. അ​ഗ്നി​ശ​മ​നസേ​ന ഏ​റെ പ​ണി​പ്പെ​ട്ടാ​ണ് മ​രം മു​റി​ച്ചു​നീ​ക്കി ഗ​താ​ഗ​തം പു​നഃ​സ്ഥാ​പി​ച്ച​ത്.

കി​ഴ​ക്കേക​ല്ല​ട, പേ​ര​യം, മു​ള​വ​ന, കു​മ്പ​ളം, പ​ട​പ്പ​ക്ക​ര, കു​ണ്ട​റ, ഇ​ള​മ്പ​ള്ളൂർ, കൊ​റ്റ​ങ്ക​ര, മൺ​റോത്തു​രു​ത്ത് ഗ്രാ​മ​ പ​ഞ്ചാ​യ​ത്തു​ക​ളിൽ നൂ​റു​ക​ണ​ക്കി​ന് മ​ര​ങ്ങൾ വൈ​ദ്യു​തി ലൈ​നു​കൾ​ക്ക് ​മു​ക​ളി​ലേ​ക്ക് കടപുഴകി. കൂ​ടുത​ലും തേ​ക്ക് ​മ​ര​മാണ് കാ​റ്റിൽ നി​ലം​പൊ​ത്തി​യ​ത്.

കെ.എസ്.ഇ.ബിക്ക് ലക്ഷങ്ങളുടെ നഷ്ടം

മരങ്ങൾ വൈ​ദ്യു​തി ലൈനിലേക്ക് വീണ് വൈദ്യുതി ബോർ​ഡി​ന് ല​ക്ഷ​ങ്ങ​ളു​ടെ നഷ്ടമുണ്ടായി. കുണ്ടറ സ​ബ് സ്റ്റേ​ഷ​നിൽ​ നി​ന്നു​ള്ള ഫീ​ഡ​റു​ക​ളെ​ല്ലാം മ​രങ്ങൾ ​വീ​ണ് ത​ക​രാ​റി​ലാ​യി. കു​ഴി​മ​തി​ക്കാ​ട് ജംഗ്​ഷ​നിൽ കൂറ്റൻ മ​രം 11 കെ.വി ഫീ​ഡർ ലൈ​നി​ന് മു​ക​ളി​ലേ​ക്ക് വീ​ണു. ഒ​രു​ ഫീ​ഡ​ർ പരിധിയിൽ 5000​ഓ​ളം ഉ​പ​ഭോ​ക്താ​ക്ക​ളാ​ണു​ള്ള​ത്.

ഇ​ട​വി​ട്ട് വീ​ശി​യ​ടി​ക്കു​ന്ന കാ​റ്റിൽ കൂ​ടു​തൽ മ​ര​ങ്ങൾ വീ​ഴു​ന്ന​ത് ക​ടു​ത്ത പ്ര​തി​സ​ന്ധി​ സൃഷ്ടിക്കുന്നുണ്ട്. ജീ​വ​ന​ക്കാർ രാ​ത്രി​യും പ​ക​ലും വി​ശ്ര​മ​മി​ല്ലാ​തെ ജോ​ലി​ചെ​യ്യു​ക​യാ​ണ്. കു​ണ്ട​റ, ക​ല്ല​ട, മൺ​റോ​തു​രു​ത്ത് ഭാ​ഗ​ങ്ങ​ളിൽ ക​ഴി​ഞ്ഞ​ ദി​വ​സം തു​ടർ​ച്ച​യാ​യ ര​ണ്ടാ​മ​ത്തെ രാ​ത്രി​യും ഇ​രു​ട്ടി​ലാ​ണ്.