കരുനാഗപ്പള്ളി: ആലുംകടവ് ബോധോദയം ഗ്രന്ഥശാലയുടെ നേതൃത്വത്തിൽ കൊവിഡിനെ പ്രതിരോധിക്കാൻ പ്രയത്നിക്കുന്നവർക്ക് ആദരവൊരുക്കി സ്വാതന്ത്ര്യദിനാഘോഷം സംഘടിപ്പിച്ചു. കൊവിഡ് പ്രാഥമിക ചികിത്സാ കേന്ദ്രത്തിൽ സന്നദ്ധ പ്രവർത്തനം നടത്തിയ വാളണ്ടിയർമാർ, ആരോഗ്യ പ്രവർത്തകർ, ആശാ പ്രവർത്തകർ എന്നിവരെയാണ് ആദരിച്ചത്. താലൂക്ക് ലൈബ്രറി കൗൺസിൽ സെക്രട്ടറി വി. വിജയകുമാർ ഉദ്ഘാടനം ചെയ്തു. നഗരസഭാ സ്ഥിരം സമിതി അദ്ധ്യക്ഷൻ പി. ശിവരാജൻ കൊവിഡ് പ്രതിരോധ പ്രവർത്തകരെ ആദരിച്ചു.നഗരസഭാ വൈസ് ചെയർമാൻ ആർ. രവീന്ദ്രൻപിള്ള സ്വാതന്ത്ര്യ ദിന സന്ദേശം നൽകി. നഗരസഭാ കൗൺസിലർ സുനിത സലിംകുമാർ മുഖ്യപ്രഭാഷണം നടത്തി. താലൂക്ക് ലൈബ്രറി കൗൺസിൽ എക്സി. അംഗം എം. സുരേഷ് കുമാർ അദ്ധ്യക്ഷത വഹിച്ചു. മുതിർന്ന അംഗം എസ്. സദാശിവൻ പതാക ഉയർത്തി. കമ്മിറ്റി അംഗങ്ങളായ ആർ. രവി, എസ്.എം. മനോജ് മുരളി, അഡ്വ. ടി.പി. സലിംകുമാർ, ലൈബ്രേറിയൻമാരായ സരിത, ഷീജ തുടങ്ങിയവർ പങ്കെടുത്തു. ഗ്രന്ഥശാലാ സെകട്ടറി എൻ. ഉത്തമൻ സ്വാഗതവും ബി. പ്രദീപ് നന്ദിയും പറഞ്ഞു.