ക​രു​നാ​ഗ​പ്പ​ള്ളി: കു​ല​ശേ​ഖ​ര​പു​ര​ത്തി​ന്റെ ഗ്രാ​മ​പ്ര​ദേ​ശ​ങ്ങ​ളിൽ വർ​ഷ​കാ​ല​ത്ത് പോ​ലും കു​ടി​വെ​ള്ള​ക്ഷാ​മം അ​നു​ഭ​വ​പ്പെ​ടു​ന്ന​തി​ന് കാ​ര​ണം ടാ​ങ്കിൽ ജ​ല​വി​ത​ര​ണം ന​ട​ത്തി കൊ​ള്ള​ലാ​ഭം കൊ​യ്യു​ന്ന കോൺ​ട്രാ​ക്ടർ​മാ​രും വാ​ട്ടർ അ​തോ​റിട്ടി ഉ​ദ്യോ​ഗ​സ്ഥ​രും പ​ഞ്ചാ​യ​ത്ത് ഭ​ര​ണ​കൂ​ട​വും ചേർ​ന്ന് ന​ട​ത്തു​ന്ന ഒ​ത്തു​ക​ളി​യു​ടെ ഭാ​ഗ​മാ​ണെ​ന്ന് നാ​ട്ടു​കാർ ആരോപിക്കുന്നു. കു​ല​ശേ​ഖ​ര​പു​ര​ത്ത് പ​മ്പ് ഹൗ​സു​ക​ളിൽ ചി​ല​ത് മാ​ത്ര​മാ​ണ് പ്ര​വർ​ത്ത​ന​ക്ഷ​മ​മാ​യി​ട്ടു​ള്ള​ത്. കാ​ല​വർ​ഷ​മാ​യ​തി​നാൽ പ​മ്പ് ഹൗ​സു​ക​ളു​ടെ പ്ര​വർ​ത്ത​നം കാ​ര്യ​ക്ഷ​മ​മ​ല്ലെ​ന്നു​ള്ള വാ​ട്ടർ അ​തോ​റിട്ടിയു​ടെ വാ​ദം നി​ല​നിൽ​ക്കു​ന്ന​ത​ല്ല.

ഒ​ത്തു​ക​ളി​ക്കു​ന്നു

പ്ര​ദേ​ശ​ത്തെ പ​മ്പ് ഹൗ​സു​ക​ളിൽ ഒ​രെ​ണ്ണ​മെ​ങ്കി​ലും പ്ര​വർ​ത്ത​ന​ക്ഷ​മ​മാ​ണെ​ങ്കിൽ ആ​ലും​ക​ട​വ് മു​തൽ ആ​ലും​പീ​ടി​ക വ​രെ ഒ​രേ വ്യാ​സ​ത്തിൽ സ്ഥാ​പി​ച്ചി​രി​ക്കു​ന്ന പൈ​പ്പ് ലൈ​നു​ക​ളിൽ വർ​ഷ​കാ​ല​ത്ത് സാ​ധാ​ര​ണ​ഗ​തി​യിൽ വെള്ളം ല​ഭ്യ​മാ​കേ​ണ്ട​താ​ണ്. എ​ന്നാൽ വെ​ള്ള വി​ത​ര​ണം ന​ട​ത്തു​ന്ന കോൺ​ട്രാ​ക്ടർ​മാ​രെ സ​ഹാ​യി​ക്കാൻ പ്ര​ദേ​ശ​ങ്ങ​ളി​ലേ​ക്കു​ള്ള പൈ​പ്പ്‌​ലൈ​നി​ന്റെ വാൽ​വു​കൾ പൂർ​ണമാ​യോ ഭാ​ഗീ​ക​മാ​യോ അ​ട​ച്ചും പ​മ്പിം​ഗ് സ​മ​യം കു​റ​ച്ചു​കൊ​ണ്ടും കോൺ​ട്രാ​ക്ടർ​മാ​രെ മ​ലി​ന​ജ​ലം വി​ത​ര​ണം ചെ​യ്​ത് കൊ​ള്ള​ലാ​ഭം എ​ടു​ക്കു​ന്ന​തി​ന് വേ​ണ്ടി വാ​ട്ടർ അ​തോ​റി​ട്ടി ഉ​ദ്യോ​ഗ​സ്ഥ​രും പ​ഞ്ചാ​യ​ത്ത് അ​ധി​കൃ​ത​രും ഒ​ത്തു​ക​ളി​ക്കു​ക​യാ​ണ്.

ശ​ക്ത​മാ​യ സ​മ​ര​പ​രി​പാ​ടി​കൾ

പ്ര​ദേ​ശ​ത്ത് അ​നു​ഭ​വ​പ്പെ​ടു​ന്ന കു​ടി​വെ​ള്ള​ക്ഷാ​മ​ത്തി​ന് അ​ടി​യ​ന്ത​ര പ​രി​ഹാ​രം ഉ​ണ്ടാ​യി​ല്ലെ​ങ്കിൽ കു​ല​ശേ​ഖ​ര​പു​രം പ​ഞ്ചാ​യ​ത്ത് ഓ​ഫീ​സി​ന് മു​ന്നി​ലും വാ​ട്ടർ അ​തോ​റി​ട്ടി​ക്ക് മു​ന്നി​ലും ശ​ക്ത​മാ​യ സ​മ​ര​പ​രി​പാ​ടി​ക​ളു​മാ​യി മു​ന്നോ​ട്ടു​പോ​കു​മെ​ന്ന് ആ​ദി​നാ​ട് മ​ണ്ഡ​ലം കോൺ​ഗ്ര​സ്സ് ക​മ്മി​റ്റി പ്ര​സി​ഡന്റ് കെ.എം.നൗ​ഷാ​ദ്, അ​ശോ​കൻ​കു​റു​ങ്ങ​പ്പ​ള്ളി, ആർ.സു​രേ​ഷ്​ബാ​ബു എ​ന്നി​വർ അ​റി​യി​ച്ചു.