ചവറ: സംസ്ഥാനത്തെ പൊതുമേഖലകളെ സംരക്ഷിക്കുന്ന നിലപാടാണ് ഇടതുപക്ഷം സ്വീകരിച്ചതെന്ന് സി.ഐ.ടി.യു സംസ്ഥാന ജനറൽ സെക്രട്ടറി എളമരം കരീം എം.പി പറഞ്ഞു. കെ.എം.എം.എൽ ടൈറ്റാനിയം എംപ്ലോയീസ് യൂണിയൻ സി.ഐ.ടി.യുവിന്റെ നവീകരിച്ച ഓഫീസ് ഉദ്ഘാടനം വീഡിയോ കോൺഫറൻസിലൂടെ നിർവഹിക്കുകയായിരുന്നു അദ്ദേഹം. യൂണിയൻ പ്രസിഡന്റ് എൻ. പത്മലോചനൻ അദ്ധ്യക്ഷനായി. സമ്മേളനോദ്ഘാടനം സി.പി.എം ജില്ലാ സെക്രട്ടറി എസ്. സുദേവൻ നിർവഹിച്ചു. സി.ഐ.ടി.യു ജില്ലാ സെക്രട്ടറി എസ്. ജയമോഹൻ, പ്രസിഡന്റ് ബി. തുളസീധരക്കുറുപ്പ് എന്നിവർ മുഖ്യാതിഥികളായി. സുശീലാ ഗോപാലന്റെ ഫോട്ടോ സി.ഐ.ടി.യു ജില്ലാ ജോയിന്റ് സെക്രട്ടറി ടി. മനോഹരൻ അനാശ്ചാദനം ചെയ്തു. സി.ഐ.ടി.യു ഏരിയാ സെക്രട്ടറി ആർ. രവീന്ദ്രൻ, പ്രസിഡന്റ് എസ്. ശശിവർണൻ, എംപ്ലോയീസ് യൂണിയൻ വർക്കിംഗ് പ്രസിഡന്റ് എം.ജി. ഓസ്റ്റിൻ, ആർ. ജയകുമാർ, ജെ. മനോജ് മോൻ, ജി. ഗോപകുമാർ, ആർ. മുരളി, നഹാസ് എന്നിവർ സംസാരിച്ചു. ജനറൽ സെക്രട്ടറി എ.എ. നവാസ് സ്വാഗതവും വി.സി. രതീഷ് കുമാർ നന്ദിയും പറഞ്ഞു.