തൃശൂർ: കൊവിഡ് രോഗവ്യാപന സാദ്ധ്യത കുറഞ്ഞതിനെ തുടർന്ന് തദ്ദേശ സ്ഥാപനങ്ങളിലെ 27 പ്രദേശങ്ങളെ കണ്ടെയ്ൻമെന്റ് സോണിൽ നിന്ന് ഒഴിവാക്കി. നാല് പ്രദേശങ്ങളെ പുതുതായി കണ്ടെയ്ൻമെന്റ് സോണാക്കി. ഇരിങ്ങാലക്കുട നഗരസഭ, മുരിയാട് പഞ്ചായത്ത് ഉൾപ്പെടെ നേരത്തെ പ്രഖ്യാപിച്ച പ്രദേശങ്ങളിൽ കണ്ടെയ്ൻമെന്റ് സോൺ നിയന്ത്രണം തുടരും.

താന്ന്യം പഞ്ചായത്തിലെ ഒന്ന്, രണ്ട്, മൂന്ന്, അഞ്ച്, ആറ്, ഏഴ്, എട്ട്, 12, 13, 15, 16 വാർഡുകൾ, പുത്തൻചിറ പഞ്ചായത്തിലെ ഏഴാം വാർഡ്, കോടശ്ശേരി പഞ്ചായത്തിലെ നാലാം വാർഡ്, മതിലകം പഞ്ചായത്തിലെ 14, 15 വാർഡുകൾ, ശ്രീനാരായണപുരം പഞ്ചായത്തിലെ ഒമ്പത്, 12, 13 വാർഡുകൾ, മറ്റത്തൂർ പഞ്ചായത്തിലെ ആറ്, ഏഴ്, 14, 15 വാർഡുകൾ, ചാലക്കുടി നഗരസഭയിലെ ഒന്ന്, നാല്, 19, 20, 21 ഡിവിഷനുകൾ എന്നിവയെയാണ് കണ്ടെയ്ൻമെന്റ് സോൺ നിയന്ത്രണങ്ങളിൽ നിന്ന് ഒഴിവാക്കിയത്.

അതേസമയം, ചാലക്കുടി നഗരസഭയിലെ 14ാം ഡിവിഷൻ, അടാട്ട് പഞ്ചായത്തിലെ 14ാം വാർഡ്, കയ്പമംഗലം പഞ്ചായത്തിലെ നാല്, ഒമ്പത് വാർഡുകൾ എന്നിവയെ പുതുതായി കണ്ടെയ്ൻമെന്റ് സോണാക്കി. നേരത്തെ പ്രഖ്യാപിച്ചവയിൽ ബാക്കി പ്രദേശം ഇപ്പോഴും കണ്ടെയ്ൻമെന്റ് സോണുകളായി തുടരും.