തൃശൂർ: കൊവിഡ് രോഗവ്യാപന സാദ്ധ്യത കുറഞ്ഞതിനെ തുടർന്ന് ജില്ലയിലെ പത്ത് തദ്ദേശ സ്ഥാപനങ്ങളിലെ 22 വാർഡ് / ഡിവിഷനുകളെ കണ്ടെയ്ൻമെന്റ് സോണിൽ നിന്ന് ഒഴിവാക്കി. 7 വാർഡ് / ഡിവിഷനുകളെ പുതുതായി കണ്ടെയ്ൻമെന്റ് സോണാക്കി. ഇരിങ്ങാലക്കുട നഗരസഭ, മുരിയാട് പഞ്ചായത്ത് ഉൾപ്പെടെ നേരത്തെ പ്രഖ്യാപിച്ച പ്രദേശങ്ങളിൽ കണ്ടെയ്ൻമെന്റ് സോൺ നിയന്ത്രണം തുടരും.

പാവറട്ടി പഞ്ചായത്തിലെ മൂന്നാം വാർഡ്, വരവൂർ പഞ്ചായത്തിലെ 3,4,12 വാർഡുകൾ, പുത്തൻചിറ പഞ്ചായത്തിലെ അഞ്ചാം വാർഡ്, കൊടകര പഞ്ചായത്തിലെ ഒന്ന്, മൂന്ന്, നാല് വാർഡുകൾ, എറിയാട് പഞ്ചായത്തിലെ നാലാം വാർഡ്, എടത്തിരുത്തി പഞ്ചായത്തിലെ ഒൻപതാം വാർഡ്, കയ്പമംഗലം പഞ്ചായത്തിലെ 12-ാംവാർഡ്, കടപ്പുറം പഞ്ചായത്തിലെ ആറ്, ഏഴ്,10 വാർഡുകൾ, കാടുകുറ്റി പഞ്ചായത്തിലെ ഒന്ന്, ഒൻപത്, 16 വാർഡുകൾ, താന്ന്യം പഞ്ചായത്തിലെ നാല്, ഒൻപത്, 10, 14, 17 വാർഡുകൾ എന്നിവയെയാണ് കണ്ടെയ്ൻമെന്റ് സോൺ നിയന്ത്രണങ്ങളിൽ നിന്ന് ഒഴിവാക്കിയത്. അതേസമയം, തൃശൂർ കോർപറേഷനിലെ 7,11 ഡിവിഷനുകൾ, കോടശ്ശേരി പഞ്ചായത്തിലെ 10, 11 വാർഡുകൾ, അവണൂർ പഞ്ചായത്തിലെ 10-ാം വാർഡ്, കൊടകര പഞ്ചായത്തിലെ 17-ാം വാർഡ്, വടക്കാഞ്ചേരി നഗരസഭയിലെ 31 -ാം ഡിവിഷൻ എന്നിവയെ പുതിയതായി കണ്ടെയ്ൻമെന്റ് സോണാക്കി.