തൃപ്രയാർ: നാട്ടിക പന്ത്രണ്ടാം കല്ലിൽ ആരംഭിക്കാനിരിക്കുന്ന ലുലു കൊവിഡ് ഫസ്റ്റ് ലൈൻ ട്രീറ്റ്‌മെന്റ് സെന്ററിലെ വളണ്ടിയർമാർക്കുള്ള പരിശീലന ക്ലാസ് തുടങ്ങി. ഗീതാ ഗോപി എം.എൽ.എ പരിശീലന ക്ലാസ് ഉദ്ഘാടനം ചെയ്തു. ഈ മാസം ഇരുപത്താറിന് മുഖ്യമന്ത്രി പിണറായി വിജയൻ വീഡിയോ കോൺഫറൻസിലൂടെ സെന്ററിന്റെ ഉദ്ഘാടനം നിർവഹിക്കുമെന്ന് എം.എൽ.എ പറഞ്ഞു. തളിക്കുളം ബ്ലോക്ക് പഞ്ചായത്ത് പ്രസിഡന്റ് എം.ആർ സുഭാഷിണി, നാട്ടിക, വലപ്പാട് പഞ്ചായത്ത് പ്രസിഡന്റുമാരായ പി. വിനു, ഇ.കെ തോമസ്, ജില്ലാ പഞ്ചായത്ത് അംഗം ശോഭാ സുബിൻ എന്നിവർ മുഖ്യാതിഥികളായി. ജില്ലാ പ്രോഗ്രാം മാനേജർ ഡോ: ടി.വി. സതീശൻ, ഡോ: പി.കെ. രാധാകൃഷ്ണൻ, നോഡൽ ഓഫീസർ ഡോ: കേതുൽ പ്രമോദ്, സ്റ്റാഫ് നഴ്സ് ആന്റണി വിതയത്തിൽ എന്നിവർ ക്ലാസിന് നേതൃത്വം നൽകി