തൃപ്രയാർ: രക്തസമ്മർദ്ദം പരിശോധിക്കാൻ റോബോട്ടുൾപ്പെടെയുള്ള അത്യാധുനിക സൗകര്യങ്ങളോടെയുള്ള നാട്ടികയിലെ ലുലു കൊവിഡ് ഫസ്റ്റ് ലൈൻ ട്രീറ്റ്‌മെന്റ് സെന്ററിന്റെ ഉദ്ഘാടനം 26 ന് നടക്കും. വൈകിട്ട് മൂന്നിന് മുഖ്യമന്ത്രി പിണറായി വിജയൻ ഓൺലൈൻ വഴി ഉദ്ഘാടനം നിർവഹിക്കുമെന്ന് സെന്റർ ചെയർപേഴ്‌സൺ തളിക്കുളം ബ്‌ളോക്ക് പഞ്ചായത്ത് പ്രസിഡന്റ് ഡോ. എം.ആർ സുഭാഷിണി വാർത്താസമ്മേളനത്തിൽ അറിയിച്ചു.

നബാർഡിന്റെ ധനസഹായം ഉപയോഗിച്ച് രോഗികളുടെ ബി.പി, ടെംപറേച്ചർ, ഓക്‌സിജൻ അളവ് എന്നിവ പരിശോധിക്കുന്നതിന് സർക്കാർ എൻജിനീയറിംഗ് കോളേജിലെ ഇലക്ട്രോണിക്‌സ് വിഭാഗം വിദ്യാർത്ഥികളാണ് റോബോട്ട് സംവിധാനം ഏർപ്പെടുത്തിയത്. 1400 ബെഡുകളോടു കൂടിയ സെന്ററിൽ മിക്കവാറും ഒരുക്കം പൂർത്തിയായി കഴിഞ്ഞു. കുടിവെള്ള സൗകര്യം, വാട്ടർ ഫിൽറ്റർ, ഹോട്ട് വാട്ടർ സൗകര്യം, മാലിന്യസംസ്‌കരണ സംവിധാനം, ടി.വി, വൈ ഫൈ സംവിധാനം എന്നിവ ഒരുക്കിയിട്ടുണ്ട്. സർക്കാരിന്റെ ഡയറ്റീഷ്യൻ നിർദ്ദേശിക്കുന്ന മെനു അനുസരിച്ച് നാട്ടികയിലെ കുടുംബശ്രീ ഭക്ഷണം നൽകും. സ്റ്റാഫിന് താമസിക്കാനായി തൃപ്രയാർ ടി.എസ്.ജി.എ സ്റ്റേഡിയവും നാട്ടിക എസ്.എൻ കോളേജ് വനിതാ ഹോസ്റ്റലും സജ്ജമായി. 24 മണിക്കൂറും വാഹനസൗകര്യം ഉണ്ടായിരിക്കും. രോഗികൾക്കായി റിക്രിയേഷൻ ക്‌ളബ്ബ് , ചെസ്, കാരംസ് എന്നിവ ഒരുക്കുന്നുണ്ട്. രോഗികളുടെ മാനസിക പിരിമുറുക്കം ലഘൂകരിക്കുന്നതിനായി ക്‌ളിനിക്കൽ സൈക്കോളജിസ്റ്റിന്റെ സേവനം ലഭ്യമാക്കും. ആരോഗ്യമന്ത്രി കെ.കെ ശൈലജ ടീച്ചർ അദ്ധ്യക്ഷത വഹിക്കും. മന്ത്രിമാരായ എ.സി മൊയ്തീൻ, വി.എസ് സുനിൽ കുമാർ, പ്രൊഫ. സി. രവീന്ദ്രനാഥ് എന്നിവർ മുഖ്യാതിഥികളാവും. മരുന്നുകൾ കെ.എം.എസ്.സി.എൽ വഴി എത്തിച്ചതായും ചെയർപേഴ്‌സൺ വാർത്താസമ്മേളനത്തിൽ അറിയിച്ചു. 200 ൽ അധികം വളണ്ടിയേഴ്‌സിന്റെ ട്രെയിനിംഗ് പൂർത്തിയായിട്ടുണ്ട്. പഞ്ചായത്ത് പ്രസിഡന്റുമാരായ ഇ.കെ തോമസ് മാസ്റ്റർ, പി. വിനു, അഡ്മിൻ ഓഫീസർ ഡോ. പി.കെ രാധാകൃഷ്ണൻ, നോഡൽ ഓഫീസർ ബി.ഡി.ഒ സി.കെ സംഗീത് എന്നിവരും വാർത്താസമ്മേളനത്തിൽ പങ്കെടുത്തു.

സൗകര്യങ്ങൾ ഇവ

1400 ബെഡുകൾ

60 ഡോക്ടർമാർ

100 നഴ്‌സുമാർ

അനുബന്ധ ആരോഗ്യപ്രവർത്തകർ

ഡയറ്റീഷൻ, ക്ളിനിക്കൽ സൈക്കോളജിസ്റ്റ് എന്നിവരുടെ സേവനം

ടോയ്‌ലറ്റ് 64

ബാത്ത് റൂം 30

വാട്ടർ ഫിൽറ്റർ

ടി.വി, വൈ ഫൈ സംവിധാനം

ന​ട​ത്തി​പ്പ് ​സം​ബ​ന്ധി​ച്ച് ​ത​ർ​ക്കം

തൃ​പ്ര​യാ​ർ​:​ ​നാ​ട്ടി​ക​യി​ൽ​ 26​ന് ​ഉ​ദ്ഘാ​ട​നം​ ​ചെ​യ്യു​ന്ന​ ​ലു​ലു​ ​കൊ​വി​ഡ് ​സെ​ന്റ​റി​ന്റെ​ ​ന​ട​ത്തി​പ്പ് ​സം​ബ​ന്ധി​ച്ച് ​പ​ഞ്ചാ​യ​ത്ത് ​പ്ര​സി​ഡ​ന്റു​മാ​ർ​ ​ത​മ്മി​ൽ​ ​ത​ർ​ക്കം.​ ​നാ​ട്ടി​ക​ ​പ​ഞ്ചാ​യ​ത്ത് ​പ്ര​സി​ഡ​ന്റ് ​പി.​ ​വി​നു​വും​ ​ത​ളി​ക്കു​ളം​ ​ബ്ളോ​ക്ക് ​പ​ഞ്ചാ​യ​ത്ത് ​പ്ര​സി​ഡ​ന്റ് ​ഡോ.​ ​എം.​ആ​ർ​ ​സു​ഭാ​ഷി​ണി​യും​ ​ത​മ്മി​ൽ​ ​വാ​ർ​ത്താ​സ​മ്മേ​ള​ന​ത്തി​ലാ​ണ് ​അ​ഭി​പ്രാ​യ​ ​വ്യ​ത്യാ​സ​മു​ണ്ടാ​യ​ത്.​ ​സെ​ന്റ​റി​ന്റെ​ ​ഭ​ര​ണ​ച്ചു​മ​ത​ല​ ​നാ​ട്ടി​ക​ ​പ​ഞ്ചാ​യ​ത്തി​നാ​യി​രി​ക്കു​മെ​ന്ന് ​നേ​ര​ത്തെ​ ​പ​റ​ഞ്ഞി​രു​ന്നു.
പി​ന്നീ​ട് ​ത​ളി​ക്കു​ളം​ ​ബ്ളോ​ക്ക് ​പ​ഞ്ചാ​യ​ത്തി​നെ​ ​ചു​മ​ത​ല​യേ​ല്പി​ച്ച​താ​ണ് ​വി​വാ​ദ​മാ​യ​ത്.​ ​സെ​ന്റ​റി​ന് ​നാ​ട്ടി​ക​ ​പ​ഞ്ചാ​യ​ത്ത് ​നേ​തൃ​ത്വം​ ​ന​ൽ​കാ​ൻ​ ​ത​യ്യാ​റാ​ണെ​ന്ന് ​പ്ര​സി​ഡ​ന്റ് ​പി.​ ​വി​നു​ ​പ​റ​ഞ്ഞു.​ ​ക​ള​ക്ട​ർ​ ​പ​ഞ്ചാ​യ​ത്തി​ന് ​ന​ൽ​കി​യ​ ​ഉ​ത്ത​ര​വ് ​ഉ​യ​ർ​ത്തി​ക്കാ​ണി​ച്ചാ​യി​രു​ന്നു​ ​വി​നു​വി​ന്റെ​ ​പ​രാ​മ​ർ​ശം.​ ​മ​ഹാ​മാ​രി​യെ​ ​നേ​രി​ടാ​ൻ​ ​എം.​എ​ ​യൂ​സ​ഫ​ലി​ ​ന​ൽ​കി​യ​ ​സെ​ന്റ​ർ​ ​വി​വാ​ദ​ത്തി​ലാ​ക്കാ​ൻ​ ​ഉ​ദ്ദേ​ശി​ക്കു​ന്നി​ല്ലെ​ന്നും​ ​അ​വ​ർ​ ​പ​റ​ഞ്ഞു.​ ​എ​ന്നാ​ൽ​ 1400​ ​ബെ​ഡു​ക​ൾ​ ​ഉ​ള്ള​ ​ആ​ശു​പ​ത്രി​ ​ജി​ല്ലാ​ ​ദു​ര​ന്ത​നി​വാ​ര​ണ​ ​അ​തോ​റി​റ്റി​യും​ ​ജി​ല്ലാ​ ​ഭ​ര​ണ​കൂ​ട​വും​ ​ബ്ളോ​ക്ക് ​പ​ഞ്ചാ​യ​ത്തി​നെ​ ​എ​ല്പി​ക്കു​ക​യാ​യി​രു​ന്നു​വെ​ന്ന​ ​വാ​ദ​മു​യ​ർ​ത്തി​യാ​യി​രു​ന്നു​ ​ഡോ.​ ​എം.​ ​ആ​ർ​ ​സു​ഭാ​ഷി​ണി​ ​മ​റു​പ​ടി​ ​പ​റ​ഞ്ഞ​ത്.​ ​ഇ​തി​നെ​ ​അ​നു​കൂ​ലി​ച്ച് ​വ​ല​പ്പാ​ട് ​പ​ഞ്ചാ​യ​ത്ത് ​പ്ര​സി​ഡ​ന്റ് ​ഇ.​കെ​ ​തോ​മ​സ് ​മാ​സ്റ്റ​ർ​ ​സം​സാ​രി​ച്ചു.​ ​യു.​ഡി.​എ​ഫ് ​ഭ​രി​ക്കു​ന്ന​ ​നാ​ട്ടി​ക​ ​പ​ഞ്ചാ​യ​ത്തും​ ​എ​ൽ.​ഡി.​എ​ഫി​ന്റെ​ ​കീ​ഴി​ലു​ള്ള​ ​ബ്ളോ​ക്ക് ​പ​ഞ്ചാ​യ​ത്തും​ ​നേ​ര​ത്തേ​യും​ ​നി​ര​വ​ധി​ ​ജ​ന​കീ​യ​ ​പ്ര​ശ്ന​ങ്ങ​ളി​ൽ​ ​നി​ര​ന്ത​രം​ ​കൊ​മ്പു​കോ​ർ​ത്തി​രു​ന്നു.