ഇരിങ്ങാലക്കുട: പുല്ലൂർ സർവീസ് സഹകരണ ബാങ്കിന്റെ നേതൃത്വത്തിൽ പുല്ലൂരിൽ ഓണചന്തയ്ക്ക് തുടക്കം. പ്രൊഫ. കെ.യു. അരുണൻ എം.എൽ.എ ഉദ്ഘാടനം ചെയ്തു. ബാങ്ക് പ്രസിഡന്റ് ജോസ് ജെ. ചിറ്റിലപ്പിള്ളി അദ്ധ്യക്ഷനായി. ആഗസ്റ്റ് 30ന് വൈകിട്ട് ഓണച്ചന്ത സമാപിക്കും. താലൂക്ക് ലൈബ്രറി കൗൺസിൽ സെക്രട്ടറി കെ.ജി. മോഹനൻ മാസ്റ്റർക്ക് കെ.യു. അരുണൻ എം.എൽ.എ വാഴക്കുല കൊടുത്ത് ഓണവിപണിയും കായ വറുത്തുകൊണ്ട് കുടുംബശ്രീ പവലിയനും ഉദ്ഘാടനം ചെയ്തു. വാർഡ് അംഗം തോമസ് തൊകലത്ത് ആശംസ അർപ്പിച്ചു. ബാങ്ക് വൈസ് പ്രസിഡന്റ് കെ.സി. ഗംഗാധരൻ സ്വാഗതവും സെക്രട്ടറി സി.എസ്. സപ്ന നന്ദിയും പറഞ്ഞു. ഓണവിപണിക്ക് ഭരണസമിതി അംഗങ്ങളായ രാജേഷ് പി.വി, അനൂപ് പായമ്മൽ, ഐ.എൻ. രവി, എൻ.കെ. കൃഷ്ണൻ, ഷീല ജയരാജ്, രാധ സുബ്രൻ, തോമസ് കാട്ടൂക്കാരൻ, ശശി ടി.കെ, സുജാത മുരളി, അനീഷ് നമ്പ്യാരുവീട്ടിൽ തുടങ്ങിയവർ നേതൃത്വം കൊടുക്കും.