ആറ്റിങ്ങൽ: ആറ്റിങ്ങൽ ഗവ. കോളേജിലെ മലയാള വിഭാഗവും ഐ.ക്യു.എ.സി.യും സംയുക്തമായി ചലച്ചിത്ര സംസ്കാരം - പാഠവും പാഠഭേദവും എന്ന വിഷയത്തിൽ 3 മുതൽ 7വരെ വെബിനാർ സംഘടിപ്പിക്കുന്നു. ദേശീയ ചലച്ചിത്ര പുരസ്‌കാരജേതാവ് പ്രിയനന്ദനൻ 3ന് വൈകിട്ട് 6ന് വെബിനാർ ഉദ്ഘാടനം ചെയ്യും. 7ന് ചലച്ചിത്ര നടനും സംവിധായകനുമായ മധുപാൽ ഇറ്റാലിയൻ സിനിമയെക്കുറിച്ച് പ്രഭാഷണം നടത്തും. 4 ന് വൈകിട്ട് 6ന് ചലച്ചിത്രം - വിപണിയുടെ പ്രത്യയശാസ്ത്രം എന്ന വിഷയത്തിൽ പ്രമുഖ ഡോക്യുമെന്ററി സംവിധായകൻ ശ്രീകുമാർ അരൂക്കുറ്റിയും 7ന് ജനപ്രിയ സിനിമ - സാംസ്‌കാരികമായ താനഭേദങ്ങൾ എന്ന വിഷയത്തിൽ ഡോ.പി.എസ്. രാധാകൃഷ്ണനും പ്രഭാഷണം നടത്തും. 5ന് വൈകിട്ട് 7ന് കെ.ജി. ജോർജിന്റെ സിനിമകളെക്കുറിച്ച് ഡോ. മ്യൂസ് മേരി പ്രഭാഷണം നടത്തും. 6ന് വൈകിട്ട് 7ന് അഭ്രപാളികളിലെ നാടകാഭിനയം എന്ന വിഷയത്തിൽ നാടക സംവിധായകൻ പ്രശാന്ത് നാരായണൻ പ്രഭാഷണം നടത്തും. 7ന് രാവിലെ 10ന് ഗവേഷണ പ്രബന്ധത്തിന്റെ തത്വശാസ്ത്രം എന്ന വിഷയത്തിൽ ഡോ.എൻ. അജയകുമാർ ക്ലാസെടുക്കും. തുടർന്ന് ഗവേഷകരുടെയും വിദ്യാർത്ഥികളുടെയും പ്രബന്ധാവതരണം നടക്കും. സെമിനാറിൽ പങ്കെടുക്കാൻ ആഗ്രഹിക്കുന്നവർ 9496711836 എന്ന നമ്പരിൽ ബന്ധപ്പെടുക.