തിരുവനന്തപുരം: പുരോഗമന സാംസ്കാരിക വേദി സംസ്ഥാന കമ്മിറ്റി ഏർപ്പെടുത്തിയ മികച്ച സേവനത്തിനുള്ള ഡോ.സുകുമാർ അഴീക്കോട് സ്മാരക അവാർഡ് ആരോഗ്യ മന്ത്രി കെ.കെ.ശൈലജയ്ക്ക് നൽകും. 25,​000 രൂപയും ശില്പവും അടങ്ങുന്നതാണ് പുരസ്കാരം. ഡോ.കെ.സുധാകരൻ (കൺവീനർ)​,​ അഡ്വ.കെ.എസ്.ഗോപിനാഥൻ നായർ,​ ഡോ.ജയറാം വി.ആർ,​ പ്രൊഫ.രവീന്ദ്രൻ നായർ,​ ജയശ്രീ ഗോപാലകൃഷ്ണൻ എന്നിവരുൾപ്പെട്ട കമ്മിറ്റിയാണ് അവാർഡ് നിർണയിച്ചത്. ആഗസ്റ്ര് മൂന്നാം വാരം നടക്കുന്ന ചടങ്ങിൽ അവാർഡ് നൽകുമെന്ന് സാംസ്കാരിക വേദി സംസ്ഥാന പ്രസിഡന്റ് ശാസ്താന്തല സഹദേവനും ജനറൽ സെക്രട്ടറി പനവിള രാജശേഖരനും അറിയിച്ചു.