തിരുവനന്തപുരം: വഞ്ചിയൂർ അഡിഷണൽ സബ്ട്രഷറിയിലെ ജീവനക്കാരൻ പണം തിരിമറി നടത്തിയ സംഭവത്തിൽ ജില്ലാ കളക്ടറുടെ അക്കൗണ്ടിൽ നിന്നു രണ്ടു കോടി രൂപ നഷ്ടമായിട്ടില്ലെന്നു കളക്ടർ നവ്‌ജ്യോത് ഘോസ അറിയിച്ചു. ട്രഷറി ഡയറക്ടറുടെ റിപ്പോർട്ടിന്റെ അടിസ്ഥാനത്തിലാണ് വിശദീകരണം. അതേസമയം, ആരോപണ വിധേയനായ ഉദ്യോഗസ്ഥൻ സർക്കാർ അക്കൗണ്ടിലെ 62 ലക്ഷം രൂപ തിരിമറി നടത്തിയതായി കണ്ടെത്തിയിട്ടുണ്ടെന്നും കളക്ടർ പറഞ്ഞു.