നാഗർകോവിൽ: തമിഴ്നാട് സർക്കാർ പ്രഖ്യാപിച്ച ഞായറാഴ്ച ലോക്ക് ഡൗണിൽ കന്യാകുമാരിയിലെ അവശ്യ സർവീസുകൾ ഒഴികെ മറ്റ് വാഹനങ്ങൾ ഒന്നും നിരത്തിലിറങ്ങിയില്ല. കച്ചവട സ്ഥാപനങ്ങൾ അടഞ്ഞുകിടന്നു. അതിർത്തി, നഗരങ്ങൾ, ഇടറോഡുകൾ ഉൾപ്പടെ ജില്ലയിലെ എല്ലാ പ്രധാന സ്ഥലങ്ങളിലും പൊലീസ് ശക്തമായ പരിശോധന നടത്തി. മെഡിക്കൽ സ്റ്റോറുകൾ പലയിടത്തും പ്രവർത്തിച്ചില്ല. പാൽ, പത്രം, ആശുപത്രി, ലാബ് തുടങ്ങിയവ പ്രവർത്തിക്കുന്നതിൽ തടസമുണ്ടായില്ല. പെട്രോൾ പമ്പുകളും ഹോട്ടലുകളും അടഞ്ഞുകിടന്നു.