ഇ​ര​വി​പു​രം: ബൈ​ക്ക് ത​ട​ഞ്ഞുനിറു​ത്തി​യ​തി​ന്റെ പേ​രിൽ ക​ണ്ടെ​യ്ൻ​മെന്റ് സോ​ണിൽ ഡ്യൂ​ട്ടി​യി​ലു​ണ്ടാ​യി​രു​ന്ന പൊലീസ് ഉദ്യോഗസ്ഥരെ ആ​ക്ര​മി​ച്ച് പരി​ക്കേൽ​പ്പി​ച്ച ശേ​ഷം കടന്നുകളഞ്ഞ രണ്ട് യുവാക്കളെ മണിക്കൂറുകൾക്കകം ഇ​ര​വി​പു​രം പൊ​ലീ​സ് അ​റ​സ്റ്റ് ചെ​യ്തു. കൂ​ട്ടി​ക്ക​ട അർ​ബൻ ബാ​ങ്കി​ന് സ​മീ​പം മി​റാ​ഷ് മൻ​സി​ലിൽ മി​റാ​ഷ് (24), ഇ​ര​വി​പു​രം ആ​ക്കോലിൽ നേ​താ​ജി ന​ഗർ 83 വെ​ളി​യിൽ പ​ടിഞ്ഞാ​റ്റ​തിൽ ഷൈൻ എ​ന്നുവി​ളി​ക്കു​ന്ന ഷൈ​നു (24) എ​ന്നി​വ​രാ​ണ് അ​റ​സ്റ്റി​ലാ​യ​ത്.

ഇന്നലെ ഉ​ച്ചയ്ക്ക് 12 മ​ണി​യോ​ടെ ക​യ്യാ​ലയ്ക്കൽ ച​കി​രി​ക്കട​യി​ലാ​യി​രു​ന്നു സം​ഭ​വം. കൊ​ല്ലം കോർ​പ്പറേ​ഷ​നിൽ​പ്പെ​ട്ട ഇ​വി​ടം ക​ണ്ടെ​യ്ൻ​മെന്റ് സോ​ണാ​യി ജി​ല്ലാ ഭ​ര​ണ​കൂ​ടം പ്ര​ഖ്യാ​പി​ച്ചതിനാൽ സ്വകാര്യ വാ​ഹ​ന​ങ്ങ​ൾക്ക് യാത്രാനിരോധനമുണ്ട്. ഇതി​ന്റെ ​അ​ടി​സ്ഥാ​ന​ത്തിൽ ക്രൈംബ്രാഞ്ചിലെ ഗ്രേ​ഡ് എ​സ്.ഐ ഗി​രീ​ഷ്, സി.പി.ഒ അ​രുൺ മു​ര​ളി എ​ന്നി​വ​രെ ഇ​വി​ടെ ഡ്യൂ​ട്ടി​ക്കാ​യി നി​യോ​ഗി​ച്ചി​രി​ക്കു​ക​യാ​യി​രു​ന്നു. ഈ സമയം ഹെൽ​മെ​റ്റോ മാ​സ്‌​കോ ധരിക്കാതെ യുവാക്കൾ വ​ന്ന ബൈ​ക്ക് പൊ​ലീ​സ് ഉദ്യോഗസ്ഥർ ത​ടഞ്ഞുനിറുത്തി. ഇതിൽ പ്രകോപിതരായ ഇവർ പൊലീസുകാർക്ക് നേരെ അ​സ​ഭ്യ​വർ​ഷം നടത്തുകയും ആ​ക്ര​മ​ണം അ​ഴി​ച്ചു​വി​ടുകയും ചെയ്ത ശേഷം ക​ട​ന്നു​ക​ള​യു​ക​യാ​യി​രു​ന്നു.

ഉടൻ തന്നെ കൊ​ല്ലം എ.സി.പി പ്ര​ദീ​പ്കു​മാ​റി​ന്റെ നിർ​ദ്ദേ​ശ പ്ര​കാ​രം പ്ര​ത്യേ​ക അ​ന്വേ​ഷ​ണ സം​ഘം രൂ​പീ​ക​രിച്ചു. മോ​ട്ടോർ വാ​ഹ​ന വ​കു​പ്പി​ന്റെയും സൈബർസെല്ലിന്റെയും സ​ഹാ​യ​ത്തോ​ടെ ​ബൈക്കി​ന്റെ ന​മ്പർ കേ​ന്ദ്രീ​ക​രി​ച്ചും വാഹന ഉ​ട​മ​യു​ടെ മൊ​ബൈൽ ന​മ്പർ കേ​ന്ദ്രീ​ക​രി​ച്ചും ന​ട​ത്തി​യ അ​ന്വേ​ഷ​ണ​ത്തി​ലാ​ണ് പ്ര​തി​കൾ പി​ടി​യി​ലാ​യ​ത്.

ഇ​ര​വി​പു​രം സി.ഐ കെ. വി​നോ​ദ്, എ​സ്.ഐ​മാ​രാ​യ എ.പി. അ​നീ​ഷ്, ബി​നോ​ദ് കു​മാർ, ദീ​പു, ജി.എ​സ്.ഐ ജ​യ​കു​മാർ, സു​തൻ, എ.എ​സ്.ഐ​മാ​രാ​യ ഷാ​ജി, ഷി​ബു ജെ. പീ​റ്റർ, സി.പി.ഒ​മാ​രാ​യ സാ​ബി​ത്ത്, വി​നു വി​ജ​യ് എ​ന്നി​വ​ര​ട​ങ്ങി​യ സം​ഘ​മാ​ണ് പ്ര​തി​ക​ളെ പി​ടി​കൂ​ടി​യ​ത്. കൊലപാതകം, വധശ്രമം ഉൾപ്പെടെയുള്ള കേസുകളിൽ പ്രതികളാണ് യുവാക്കളെന്ന് പൊലീസ് അറിയിച്ചു.