ആറ്റിങ്ങൽ: ഇന്നലെ രാവിലെയുണ്ടായ ശക്തമായ കാറ്റിലും മഴയിലും മരങ്ങൾ കടപുഴകി വൈദ്യുത ലൈനുകൾക്ക് കേടുപാട് സംഭവിച്ചു. മണിക്കൂറുകളോളം പലയിടങ്ങളിലും ഗതാഗതം സ്തംഭിച്ചു.

ചെമ്പൂര് 4,​ കുറുമക്കാവിൽ 4,​ ആറ്റിങ്ങൽ കോടതി വളപ്പിൽ 3,​ ഡയറ്റ് സ്കൂളിൽ 2,​ തോട്ടവാരത്ത് 2 ,​ തൊപ്പിചന്ത,​ ചാത്തമ്പറ,​ രാമച്ചംവിള എന്നിവിടങ്ങളിൽ ഓരോന്നുവീതവുമാണ് മരങ്ങൾ കടപുഴകിയത്. ആറ്റിങ്ങൽ ഫയർ ഫോഴ്സിന്റെ അശ്രാന്ത പരിശ്രമത്തിലാണ് മരങ്ങൾ മുറിച്ചു നീക്കിയത്. കെ.എസ്.ഇ.ബി ഉദ്യോഗസ്ഥരും ദുരന്ത നിവാരണത്തിന് രംഗത്തുണ്ടായിരുന്നു.

അവനവഞ്ചേരി ഇലക്ട്രിസിറ്റി ഓഫീസിനു കീഴിൽ അയിലം,​ പരുത്തൂർ,​ കാട്ടുചന്ത,​ ലക്ഷ്മി വിള,​ കോടാലിക്കോണം,​ തേമ്പ്രക്കോണം തുടങ്ങി 40 ഇടങ്ങളിൽ വൈദ്യുത ലൈനുകൾക്കും പോസ്റ്റുകൾക്കും കേടു സംഭവിച്ചു. 11 കെ.വി പോസ്റ്റുകൾ 4 എണ്ണവും എൽ.ടി. പോസ്റ്റ് പന്തെണ്ണവും ഒടിഞ്ഞു.