1991ൽ മഹേഷ് മഹേഷ് ഭട്ടിന്റെ സംവിധാനത്തിൽ സഞ്ജയ് ദത്തും പൂജാഭട്ടും ജോഡികളായി ബോളിവുഡിൽ മഹാവിജയം നേടിയ റൊമാന്റിക് ത്രില്ലർ സിനിമയായിരുന്നു സഡക് . ഇതിന്റെ രണ്ടാം ഭാഗം
' സഡക് 2 ' 28ന് ഡിജിറ്റൽ പ്ളാറ്റ്ഫോമിൽ എത്തും. തിയേറ്ററിൽ സമ്മർ റിലീസിന് കാത്തിരിക്കയായിരുന്ന ചിത്രം കൊവിഡിന്റെ പശ്ചാത്തലത്തിൽ തിയേറ്റർ റിലീസിംഗ് അസാധ്യമായതിനാലാണ് ഡിജിറ്റൽ പ്ലാറ്റ്‌ഫോമിൽ റിലീസ് ചെയ്യാൻ തീരുമാനിച്ചത്. നിർമ്മാതാക്കളായ വിശേഷ് ഫിലിംസ്, ഡിസ്നി പ്ലസ് ഹോട്ട് സ്റ്റാർ മൾട്ടിപ്ളക്സിൽ ചിത്രം റിലീസ് ചെയ്യും. സഞ്ജയ് ദത്ത്, പൂജാ ഭട്ട്, ആലിയാ ഭട്ട്, ആദിത്യ റോയ് കപൂർ, പ്രിയങ്കാ ബോസ്, മകരന്ദ് ദേശ് പാണ്ഡെ, മോഹൻ കപൂർ, അക്ഷയ് ആനന്ദ് എന്നിവരാണ് ' സഡക് 2 ' വിലെ അഭിനേതാക്കൾ. ഇരുപതു വർഷത്തിന് ശേഷം മഹേഷ് ഭട്ട് സംവിധാനം ചെയ്യുന്ന സിനിമ കൂടിയായതിനാൽ ഹിന്ദി സിനിമാ പ്രേമികൾ ഏറെ ആകാംക്ഷയോടെയാണ് ചിത്രത്തിനായി കാത്തിരിക്കുന്നത്. ചിത്രത്തിന്റെ ടൈറ്റിൽ പോസ്റ്റർ ഏതാനും ദിവസം മുമ്പാണ് പുറത്തുവിട്ടത്. ട്രെയിലറും ഗാനങ്ങളും അടുത്ത ദിവസങ്ങളിൽ പുറത്തു വിടുമെന്ന് മഹേഷ് ഭട്ട് വെളിപ്പെടുത്തി. പി.ആർ.ഒ: സി.കെ.അജയ് കുമാർ.