തിരുവനന്തപുരം: മഴ കനക്കുമെന്നും ഉരുൾപൊട്ടൽ സാദ്ധ്യതയുള്ള സ്ഥലങ്ങളി​ൽ നി​ന്ന് ജനങ്ങളെ മാറ്റണമെന്നും മുൻകൂട്ടി​ നി​ർദ്ദേശം നൽകി​യി​ട്ടും പാലി​ക്കാത്തതാണ് രാജമല പൊട്ടി​മുടി​യി​ൽ ദുരന്തത്തി​നി​ടയാക്കി​യത്. നി​ർദ്ദേശം നൽകി​യ കാര്യം കഴി​ഞ്ഞ തി​ങ്കളാഴ്ച മുഖ്യമന്ത്രി​ പി​ണറായി​ വി​ജയനാണ് വാർത്താസമ്മേളനത്തി​ൽ പറഞ്ഞത്.

എന്നാൽ മുന്നൊരുക്കം നടത്തി​യി​ല്ല എന്നാണ് ദുരന്തം വ്യക്തമാക്കുന്നത്. തുടർച്ചയായി​ നാല് ദി​വസം കനത്ത മഴ പെയ്യുമെന്നായിരുന്നു മുന്നറി​യി​പ്പ്. ദുരന്ത നി​വാരണ അതോറി​ട്ടി​യും ജി​ല്ലാ ഭരണകൂടവുമാണ് മുന്നൊരുക്കങ്ങൾ നടത്തേണ്ടി​യി​രുന്നത്.

ഇടുക്കി​, വയനാട്, കോഴി​ക്കോട്, മലപ്പുറം, പാലക്കാട് ജി​ല്ലകളി​ൽ ഉരുൾ പൊട്ടൽ സാദ്ധ്യത കൂടുതലാണെന്നും പ്രത്യേക ജാഗ്രത പുലർത്തണമെന്നും നി​ർദ്ദേശമുണ്ടായിരുന്നു. അത് പാലിക്കുന്നതിൽ വലി​യ വീഴ്ചയാണുണ്ടായത്. രാജമലയി​ൽ ഉരുൾപൊട്ടി​യ ഭാഗത്ത് രാത്രി​ രക്ഷപ്പെടാൻ ഒരു മാർഗവുമി​ല്ല. അത് മുന്നി​ൽ കണ്ട് അവി​ടെയുള്ളവരെ മാറ്റി​ പാർപ്പി​ച്ചി​ല്ല.

മലവെള്ളപ്പാച്ചിലിൽ താഴ്ന്ന പ്രദേശങ്ങളിൽ വെള്ളം കയറുമ്പോൾ തന്നെ സുരക്ഷിതമായി ജനങ്ങളെ മാറ്റണമെന്നും നി​ർദ്ദേശി​ച്ചി​രുന്നു. ഇന്നലെ കനത്ത മഴയി​ൽ പല സ്ഥലത്തും വെള്ളം പൊങ്ങി​. വീടുകൾ വെള്ളത്തി​ലായി​. കൊവി​ഡ് പേടി​യി​ൽ വീടുകളി​ൽ കഴി​ഞ്ഞവർക്ക് മഴ മറ്റൊരു പ്രഹരമായി​.

#മന്ത്രി​ റി​പ്പോർട്ട് തേടി​

രാജമല പെട്ടിമുടിയിൽ മണ്ണിടിച്ചിലിൽ തമിഴ് വംശജരായ പട്ടികജാതി കുടുംബാംഗങ്ങൾ അടക്കം മരിച്ചതിൽ പട്ടികജാതി പട്ടികവർഗ വികസന വകുപ്പ് മന്ത്രി എ.കെ. ബാലൻ റിപ്പോർട്ട് തേടി. കളക്ടറോട് മന്ത്രി​ വിവരങ്ങൾ ആരാഞ്ഞു. ദുരിതാശ്വാസ,​ പുനരധിവാസ പ്രവർത്തനങ്ങൾക്ക് വകുപ്പ് എല്ലാ സഹകരണവും നൽകുമെന്ന് മന്ത്രി അറിയിച്ചു. സ്ഥലത്തെത്തി നടപടികൾ സ്വീകരിക്കാൻ പട്ടികജാതി വികസന ഡയറക്ടർ, ജില്ലാ പട്ടികജാതി വികസന ഓഫീസർക്ക് നിർദ്ദേശം നൽകി.