കിളിമാനൂർ: തോരാതെ പെയ്യുന്ന കനത്ത മഴയിൽ പ്രദേശത്തെ നദികളും, വയലുകളും നിറഞ്ഞൊഴുകി. രണ്ട് ദിവസം പെയ്ത തോരാത്ത മഴയിൽ വാമനപുരം, ചിറ്റാർ, മീൻമുട്ടി നദികൾ നിറഞ്ഞൊഴുകി. ഒന്നാം വിള കൃഷി ചെയ്തിരുന്ന അടയമൺ, പാപ്പാല, വെള്ളല്ലൂർ, കൊടുവഴന്നൂർ, നന്ദായ് വനം എന്നീ ഏലാകളിലെ വയലുകളും വെള്ളത്തിലായി. മിക്ക റോഡുകളും, തടങ്ങളും വെള്ളം കൊണ്ട് നിറത്ത് ഗതാഗത തടസം സൃഷ്ടിച്ചു. നിരവധി സ്ഥലങ്ങളിൽ വൃക്ഷങ്ങൾ കടപുഴകി വീണ് ഗതാഗത തടസവും, വൈദ്യുതി തകരാറും ഉണ്ടായി.