തിരുവനന്തപുരം: സർക്കാർ ലാ കോളേജുകളിലെ സീറ്റ് വെട്ടിക്കുറച്ചതോടെ നിരവധി കുട്ടികൾക്ക് കുറഞ്ഞ ഫീസിൽ പഠനാവസരം നഷ്ടമായി. സ്വാശ്രയ കോളേജുകളെ സഹായിക്കാനെന്നാണ് ആക്ഷേപം. എൽ.എൽ.ബി പ്രവേശന വിഞ്ജാപനത്തിലാണ് സീ​റ്റുകളുടെ കുറവ് വ്യക്തമാക്കുന്നത്. സർക്കാർ കോളേജുകളിൽ ത്രിവത്സര എൽ.എൽ.ബി സീ​റ്റുകളുടെ എണ്ണം 100ൽ നിന്ന് 60 ആയി കുറഞ്ഞു. പഞ്ചവത്സര കോഴ്സ് സീ​റ്റുകൾ 80ൽ നിന്ന് 60 ആക്കി. കഴിഞ്ഞ വർഷം സർക്കാർ മേഖലയിൽ ആകെ 720 സീ​റ്റുകൾ ഉണ്ടായിരുന്ന സ്ഥാനത്ത് ഇപ്പോൾ 480 സീ​റ്റുകൾ മാത്രമായി. 240 സീ​റ്റുകളുടെ കുറവ്.

അതേസമയം, 19 സ്വകാര്യ കോളേജുകളിലെ സീ​റ്റുകളിൽ ഒരു കുറവുമില്ല. ഒരു അദ്ധ്യാപകന് 60 കുട്ടികളെന്ന ബാർ കൗൺസിലിന്റെ നിർദ്ദേശം അനുസരിച്ചാണ് സീറ്റ് കുറവുചെയ്തതെന്നാണ് സർക്കാർ വാദം. ഉറപ്പായ സീ​റ്റുകൾ മാത്രം ഉൾപ്പെടുത്തിയാണ് വിഞ്ജാപനമെന്നും അന്തിമ തീരുമാനം ഉണ്ടാകുമ്പോൾ മുഴുവൻ സീ​റ്റുകളിലേക്കും പ്രവേശനം നടത്തുമെന്നുമാണ് പ്രവേശന പരീക്ഷാ കമ്മിഷണർ പറയുന്നത്. സർക്കാർ സീ​റ്റുകൾ സംരക്ഷിക്കാൻ ഇടപെടൽ ആവശ്യപ്പെട്ട് മുഖ്യമന്ത്റിക്കും ഉന്നത വിദ്യാഭ്യാസ മന്ത്റിക്കും എസ്.എഫ്‌.ഐ നിവേദനം നൽകി.