തിരുവനന്തപുരം: പുജപ്പുര സെൻട്രൽ ജയിലിലെ 59 തടവുകാർക്ക് ബുധനാഴ്ച കൊവിഡ് സ്ഥിരീകരിച്ചു. ഒരു ബ്ലോക്കിലെ 99 പേരെ പരിശോധിച്ചപ്പോഴാണ് 59 പോസി​റ്റീവ് കേസുകൾ റിപ്പോർട്ട് ചെയ്തത്. നിലവിൽ 1048 തടവുകാരാണ് ജയിലിൽ ഉള്ളത്.
ചൊവ്വാഴ്ച രോഗലക്ഷണം പ്രകടിപ്പിച്ച 71കാരനായ റിമാൻഡ് പ്രതിക്ക് രോഗം സ്ഥിരീകരിച്ചിരുന്നു. തുടർന്നാണ് അയാൾ താമസിച്ചിരുന്ന ബ്ലോക്കിലെ എല്ലാ തടവുകാർക്കും ആന്റിജൻ ടെസ്​റ്റ് നടത്താൻ തീരുമാനിച്ചത്. രോഗബാധിതരെ താത്കാലികമായി ജയിലിലെ ആഡി​റ്റോറിയത്തിലേക്ക് മാ​റ്റി. ജയിലിനുള്ളിൽ തന്നെ സി.എഫ്.എൽ.ടി.സി. സജ്ജമാക്കി രോഗബാധിതരെ അവിടേക്ക് മാ​റ്റും. രോഗവ്യാപന സാധ്യത കണക്കിലെടുത്ത് വരും ദിവസങ്ങളിൽ ജയിലിലെ മുഴുവൻ അന്തേവാസികൾക്കും പരിശോധന നടത്തും.