കിളിമാനൂർ:പഴയകുന്നുമ്മേൽ ഗ്രാമ പഞ്ചായത്തിലെ അടയമൺ മേഖലയിൽ മൊബൈൽ ടവർ അനുവദിക്കാൻ നടപടി സ്വീകരിക്കും.അടയമൺ തനിമ റസിഡന്റ്സ് അസോസിയേഷനും,അടയമൺ മേഖലയിലെ വിദ്യാർത്ഥികളും നൽകിയ അപേക്ഷ പരിഗണിച്ചാണ് ആഗസ്റ്റ് 13ന് ചേർന്ന ഭരണ സമിതി യോഗം ടവർ അനുവദിക്കാൻ തീരുമാനിച്ചത്.ഓൺലൈൻ പഠനത്തിന് മൊബൈൽ സിഗ്നൽ ലഭിക്കുന്നില്ലന്ന് കാണിച്ച് വിദ്യാർത്ഥികൾ മുഖ്യമന്ത്രിക്ക് അപേക്ഷ നൽകിയിരുന്നു. ഈ കാര്യം കൂടി പരിഗണിച്ചാണ് പ്രശ്‌നത്തിൽ ഗ്രാമ പഞ്ചായത്ത് ഇടപ്പെട്ട് തീരുമാനം കൈകൊണ്ടിരിക്കുന്നത്.ടവർ കമ്പനി അനുബന്ധ രേഖയുമായി പഞ്ചായത്തിൽ അപേക്ഷ നൽകുന്ന മുറയ്ക്ക് അനന്തര നടപടി സ്വീകരിക്കുന്നതിനായി സെക്രട്ടറിയെ ചുമതലപ്പെടുത്തിയതായി പഞ്ചായത്ത് പ്രസിഡന്റ് പി .ലാലി പത്രക്കുറിപ്പിൽ അറിയിച്ചു