തിരുവനന്തപുരം: സർക്കാർ ജീവനക്കാർക്ക് ഒാണം അഡ്വാൻസും ബോണസും പ്രഖ്യാപിച്ച് സർക്കാർ ഉത്തരവായി. ആഗസ്റ്റിലെ ശമ്പളവും സെപ്തംബറിലെ പെൻഷനും ഇൗ മാസം 24,25,26 തീയതികളിൽ മുൻകൂറായും.,സാമൂഹ്യക്ഷേമ പെൻഷനുകൾ 20 മുതലും വിതരണം ചെയ്യും.ഓണത്തോടനുബന്ധിച്ച് സംസ്ഥാനത്തെ എല്ലാ ജീവനക്കാർക്കും അദ്ധ്യാപകർക്കും കഴിഞ്ഞ വർഷത്തെ അതേ ബോണസും ഉത്സവബത്തയും അഡ്വാൻസും അനുവദിച്ചു. 27,360 രൂപവരെ ശമ്പളമുളളവർക്ക് 4000 രൂപയാണ് ബോണസ് . ഇതിനുമുകളിൽ ശമ്പളമുളളവർക്ക് 2750 രൂപ പ്രത്യേക ഉത്സവബത്തയായി നൽകും.ഓണം അഡ്വാൻസായി 15,000 രൂപവരെ അനുവദിക്കും.ഇത് ഇൗ മാസം 19 മുതൽ വിതരണം ചെയ്യും. ഒക്ടോബർ മുതൽ അഞ്ച് തുല്യഗഡുക്കളായി തിരിച്ചുപിടിക്കും. പാർട്ട്‌ടൈം കണ്ടിൻജന്റ് ജീവനക്കാർ, കരാർ, ദിവസ വേതനക്കാർ എന്നിവർക്ക് 5000 രൂപ അഡ്വാൻസ് അനുവദിക്കും.

സംസ്ഥാനത്ത് ക്ഷേമ പെൻഷനുകൾ 20 മുതൽ വിതരണം ചെയ്യും. കൂടുതൽ പേർക്ക് ബാങ്ക് അക്കൗണ്ട് വഴിയും ബാക്കിയുള്ളവർക്ക് സഹകരണ ബാങ്കുകൾ വഴിയുമാണ് വിതരണം . ജൂലായ്, ആഗസ്റ്റ് മാസങ്ങളിലെ തുകയായി 2600 രൂപയാണ് പെൻഷൻ കിട്ടുക.