മുടപുരം: സംസ്ഥാന സർക്കാർ ക്ഷീരവികസന വകുപ്പ് വഴി നടപ്പാക്കുന്ന കൊവിഡ് സമാശ്വാസ കാലിത്തീറ്റ ധനസഹായ പദ്ധതിയുടെ പോത്തൻകോട് ബ്ലോക്ക് തല വിതരണോദ്ഘാടനം ചെമ്പകമംഗലം ക്ഷീരോത്പാദക സഹകരണസംഘത്തിൽ മംഗലപുരം ഗ്രാമ പഞ്ചായത്ത് വികസന സ്റ്റാൻഡിംഗ് കമ്മിറ്റി ചെയർമാൻ മംഗലപുരം ഷാഫി നിർവഹിച്ചു. ഗ്രാമ പഞ്ചായത്ത് അംഗം സി. ജയ്മോന്റെ അദ്ധ്യക്ഷതയിൽ കൂടിയ യോഗത്തിൽ വി. അജികുമാർ, കഴക്കൂട്ടം ക്ഷീരവികസന ഓഫീസർ രാജേഷ്, ഡയറി ഇൻസ്ട്രക്ടർമാരായ ശ്രീദേവി, ആൻസി, സംഘം പ്രസിഡന്റ് പ്രസന്നൻ, മുൻ പ്രസിഡന്റ് ആർ. വിശ്വനാഥൻ നായർ, മുൻ സെക്രട്ടറി കണ്ടുകൃഷി ജയചന്ദ്രൻ നായർ, സംഘം സെക്രട്ടറി അജ്മീർ എന്നിവർ പങ്കെടുത്തു. ജില്ലാ പഞ്ചായത്ത് നടപ്പാക്കുന്ന ക്ഷീരകർഷകർക്കുള്ള റിവോൾവിംഗ് ഫണ്ടും ചെമ്പകമംഗലം ക്ഷീരോത്പാദക സഹകരണ സംഘത്തിൽ പാൽ നൽകുന്ന കർഷകർക്കുള്ള ബോണസും വിതരണം ചെയ്തു.