തിരുവനന്തപുരം: തദ്ദേശഭരണ തിരഞ്ഞെടുപ്പ് യഥാസമയം നടത്താനുള്ള നടപടികളുമായി സംസ്ഥാന തിരഞ്ഞെടുപ്പ് കമ്മിഷൻ മുന്നോട്ട്. നവംബർ 12നകമാണ് പുതിയ ഭരണസമിതികൾ നിലവിൽ വരേണ്ടത്. ഇല്ലെങ്കിൽ ഉദ്യോഗസ്ഥ ഭരണത്തിലേക്ക് പോകേണ്ടിവരും.

ഒക്ടോബർ അവസാനം അല്ലെങ്കിൽ നവംബർ ആദ്യം എന്ന കണക്കുകൂട്ടലിലാണ് കമ്മിഷന്റെ ഒരുക്കങ്ങൾ. രാഷ്ട്രീയപ്പാർട്ടികളൊന്നും തിരഞ്ഞെടുപ്പ് മാറ്റിവയ്ക്കണമെന്ന ആവശ്യം ഇതുവരെയും മുന്നോട്ടുവച്ചിട്ടില്ല. സമയത്ത് തിരഞ്ഞെടുപ്പ് നടത്തുക എന്നത് ഭരണഘടനാപരമായ ബാദ്ധ്യതയാണെന്നും എന്നാൽ, എൻ.എസ്.എസും മറ്റൊരു സംഘടനയും ഇപ്പോഴത്തെ മഹാമാരിയുടെ പശ്ചാത്തലത്തിൽ തിരഞ്ഞെടുപ്പ് മാറ്റി വയ്ക്കണമെന്ന് ആവശ്യപ്പെട്ടിട്ടുണ്ടെന്നും സംസ്ഥാന തിരഞ്ഞെടുപ്പ് കമ്മിഷണർ വി. ഭാസ്കരൻ വാർത്താസമ്മേളനത്തിൽ പറഞ്ഞു.

രാഷ്ട്രീയപ്പാർട്ടികളുടെ പ്രതിനിധികളുമായി ചർച്ച നടത്തിയിട്ടേ വോട്ടെടുപ്പിന്റെ തീയതി നിശ്ചയിക്കൂ. ചീഫ് സെക്രട്ടറി, ഡി.ജി.പി തുടങ്ങിയവരുമായും കൂടിയാലോചനകൾ നടത്തും. ഇക്കാര്യത്തിൽ ആശങ്കകളൊന്നുമില്ലെന്നും കമ്മിഷണർ വ്യക്തമാക്കി.

കൊവിഡ് പ്രോട്ടോക്കോൾ പാലിക്കണം

തദ്ദേശതിരഞ്ഞെടുപ്പ് കൊവിഡ് പ്രോട്ടോക്കോൾ പാലിച്ച് നടത്തുന്നതിന് തടസമില്ലെന്ന് ആരോഗ്യവകുപ്പ് ഡയറക്ടർ അറിയിച്ചതായും കമ്മിഷണർ പറഞ്ഞു. ആരോഗ്യവകുപ്പിലെ വിദഗ്ദ്ധരുമായി നടത്തിയ കൂടിയാലോചനയ്ക്കുശേഷമാണ് കമ്മിഷണർ മാദ്ധ്യമപ്രവർത്തകരെ കണ്ടത്. വിശദമായ മാർഗരേഖ ദിവസങ്ങൾക്കുള്ളിൽ ആരോഗ്യവകുപ്പ് തയ്യാറാക്കും. ആരോഗ്യ വകുപ്പ് ഡയറക്ടർ ഡോ.ആർ.എൽ. സരിത, അസി. ഡയറക്ടർ ഡോ. ബിജോയ് തുടങ്ങിയവരാണ് ചർച്ചയിൽ പങ്കെടുത്തത്. പ്രോട്ടോക്കോൾ പാലിച്ച് തിരഞ്ഞെടുപ്പ് നടത്തുമ്പോൾ ചെലവ് കൂടും. രാഷ്ട്രീയ പാർട്ടികൾ വെർച്വലായി പ്രചാരണം നടത്തേണ്ടിവരും.
തിരഞ്ഞെടുപ്പ് ഉദ്യോഗസ്ഥർക്കുള്ള പ്രതിരോധപ്രവർത്തനങ്ങൾ ആരോഗ്യവകുപ്പുമായി ചേർന്ന് നടത്തും. ഉദ്യോഗസ്ഥർക്കും പാർട്ടി പ്രവർത്തകർക്കും ബോധവത്കരണം നൽകും. വീടുകളിൽ കയറി പ്രചാരണം നടത്തുന്നത് മൂന്ന് പേരായി ചുരുക്കണം. ഉദ്യോഗസ്ഥർക്ക് ഈ മാസം തന്നെ പരിശീലനം തുടങ്ങും. മാസ്റ്റർ ട്രെയിനികൾക്ക് ഓൺലൈനിലാണ് പരിശീലനം. മറ്റ് ഉദ്യോഗസ്ഥർക്ക് ബ്ലോക്ക് തലത്തിൽ 30 പേരടങ്ങുന്ന ബാച്ചുകളായി നേരിട്ട് നടത്തും.

മട്ടന്നൂർ ഒഴിച്ചുള്ള തദ്ദേശ സ്ഥാപനങ്ങളിലേക്കാണ് നവംബർ 12ന് മുമ്പായി തിരഞ്ഞെടുപ്പ് നടത്തേണ്ടത്.

ത​ദ്ദേ​ശ​ ​തി​ര​ഞ്ഞെ​ടു​പ്പി​ൽ​ ​ഒ.​ബി.​സി​ക്ക്
കൂ​ടു​ത​ൽ​ ​പ​രി​ഗ​ണ​ന​:​ ​ത​മ്പാ​നൂ​ർ​ ​ര​വി

തി​രു​വ​ന​ന്ത​പു​രം​:​ ​ത​ദ്ദേ​ശ​ ​സ്വ​യം​ഭ​ര​ണ​ ​തി​ര​ഞ്ഞെ​ടു​പ്പി​ൽ​ ​ഒ.​ബി.​സി​ ​വി​ഭാ​ഗ​ങ്ങ​ൾ​ക്ക് ​അ​ർ​ഹി​ക്കു​ന്ന​ ​പ​രി​ഗ​ണ​ന​ ​ന​ൽ​കു​മെ​ന്ന് ​കെ.​പി.​സി.​സി​ ​ജ​ന​റ​ൽ​ ​സെ​ക്ര​ട്ട​റി​ ​ത​മ്പാ​നൂ​ർ​ ​ര​വി​ ​പ​റ​ഞ്ഞു.​ ​കേ​ര​ള​ ​പ്ര​ദേ​ശ് ​ഒ.​ബി.​സി​ ​കോ​ൺ​ഗ്ര​സ് ​സം​സ്ഥാ​ന​ ​ചെ​യ​ർ​മാ​ൻ​ ​പി.​ ​സു​ഭാ​ഷ്ച​ന്ദ്ര​ബോ​സി​ന് ​ഇ​ന്ദി​രാ​ഭ​വ​നി​ൽ​ ​അ​നു​വ​ദി​ച്ച​ ​ഓ​ഫീ​സി​ന്റെ​ ​ചാ​ർ​ജെ​ടു​പ്പ് ​ച​ട​ങ്ങ് ​ഉ​ദ്ഘാ​ട​നം​ ​ചെ​യ്യു​ക​യാ​യി​രു​ന്നു​ ​അ​ദ്ദേ​ഹം.
ക​മ്പ​റ​ ​നാ​രാ​യ​ണ​ൻ,​ ​ശാ​സ്ത​മം​ഗ​ലം​ ​മോ​ഹ​ൻ,​ ​വെ​ഞ്ഞാ​റ​മൂ​ട് ​ഷാ​ജി,​ ​അ​ഡ്വ.​ ​റോ​സ് ​ച​ന്ദ്ര​ൻ,​ ​കെ.​പി.​ ​ദു​ര്യോ​ധ​ന​ൻ,​ ​ആ​ന്റ​ണി​ ​ആ​ൽ​ബ​ർ​ട്ട്,​ ​പാ​ള​യം​ ​അ​ബ്ദു​ൽ​ ​മ​ജീ​ദ്,​ ​എ​ൽ.​ ​രാ​ജ്‌​മോ​ഹ​ൻ,​ ​കെ.​ ​ജ​യ​രാ​മ​ൻ,​ ​ജേ​ക്ക​ബ് ​ഫെ​ർ​ണാ​ണ്ട​സ്,​ ​മു​ത്തു​സ്വാ​മി​ ​തു​ട​ങ്ങി​യ​വ​ർ​ ​പ​ങ്കെ​ടു​ത്തു.