തിരുവനന്തപുരം: കൊവിഡ് പ്രതിരോധം നടത്തുന്ന പൊലീസുകാർക്ക് കൊവിഡ് പടയാളി എന്ന പതക്കം നൽകും. സേനയുടെ ആദരമെന്ന നിലയിലാണ് 30 ദിവസം കൊവിഡ് പ്രതിരോധ ഡ്യൂട്ടി ചെയ്ത എല്ലാ റാങ്കിലുമുള്ള ഉദ്യോഗസ്ഥർക്ക് പതക്കം നൽകുന്നത്. പതക്കം ലഭിക്കുന്ന ഉദ്യോഗസ്ഥർ യൂണിഫോമിന്റെ ഇടതു പോക്ക​റ്റിനു മുകളിലായാണ് ധരിക്കേണ്ടത്. ബഹുമതിക്കായി പരിഗണിക്കേണ്ട ഉദ്യോഗസ്ഥരെ ജില്ലാ പൊലീസ് മേധാവികളും യൂണി​റ്റ് തലവൻമാരും കണ്ടെത്തണമെന്നു ഡി.ജി.പി നിർദേശം നൽകി.