തിരുവനന്തപുരം: സംസ്ഥാനത്തെ സർവീസ്, സാമൂഹ്യക്ഷേമ പെൻഷനുകൾ ഇന്ന് മുതൽ വിതരണം ചെയ്യും.

ജൂലായ്,​ ആഗസ്റ്റ് മാസങ്ങളിലെ ക്ഷേമ പെൻഷനായ 2,​600 രൂപയുടെ വിതരണം ബാങ്ക് അക്കൗണ്ടുകളും സഹകരണ ബാങ്കുകളും വഴിയാണ്. ക്ഷേമ പെൻഷൻ 44.31 ലക്ഷം പേർക്കും ക്ഷേമനിധി ബോർഡുകൾ വഴിയുള്ള പെൻഷൻ 9.2 ലക്ഷം പേർക്കുമാണ് . ബാങ്കുകളിൽ തിരക്കൊഴിവാക്കാൻ അക്കൗണ്ട് നമ്പറിന്റെ അടിസ്ഥാനത്തിൽ പണമിടപാടുകൾക്ക് സമയം നിശ്ചയിച്ചിട്ടുണ്ട്.0,1,2,3 നമ്പറുകളിൽ അവസാനിക്കുന്നവർക്ക് രാവിലെ 10 മുതൽ 12 വരെയും 4,5,6,7 നമ്പറുകാർക്ക് 12 മുതൽ 2 വരെയും 8,9 നമ്പറുകാർക്ക് ഉച്ചയ്ക്ക് ശേഷം 2.30 മുതൽ 4 വരെയുമാണ് സമയം.

സർവീസ് പെൻഷൻ

സമയക്രമം

 ആഗസ്ത് 20- രാവിലെ 9 മുതൽ 1 മണി വരെ പി.ടി.എസ്.ബി. അക്കൗണ്ട് നമ്പർ പൂജ്യത്തിൽ അവസാനിക്കുന്നവരും ഉച്ചയ്ക്ക് 2 മുതൽ 5 വരെ ഒന്നിൽ അവസാനിക്കുന്നവരും.

ആഗസ്ത്21-രാവിലെ 9 മുതൽ 1 മണി വരെ രണ്ടിൽ അവസാനിക്കുന്നവരും, 2 മുതൽ 5 വരെ മൂന്നിൽ അവസാനിക്കുന്നവരും.

ആഗസ്ത് 24- രാവിലെ 9 മുതൽ 1 മണി വരെ നാലിൽ അവസാനിക്കുന്നവരും, 2 മുതൽ 5 വരെ അഞ്ചിൽ അവസാനിക്കുന്നവരും.

ആഗസ്ത്25- രാവിലെ 9 മുതൽ 1 മണി വരെ ആറിൽ അവസാനിക്കുന്നവരും 2 മുതൽ 5 വരെ ഏഴിൽ അവസാനിക്കുന്നവരും.

ആഗസ്ത്26- രാവിലെ 9 മുതൽ 1 മണി വരെ എട്ടിൽ അവസാനിക്കുന്നവരും, 2 മുതൽ 5 മണി വരെ 9ൽ അവസാനിക്കുന്നവരും.

പൊതുമേഖല സ്ഥാപനങ്ങളിലെ ബോണസിന് അർഹരല്ലാത്ത ജീവനക്കാർക്ക് 2750 രൂപ ഉത്സവ ബത്ത ലഭിക്കും.

.