തിരുവനന്തപുരം: സമൂഹ മാദ്ധ്യമങ്ങളിൽ മുഖ്യമന്ത്രിയുടെ മോർഫ് ചെയ്ത ചിത്രം പ്രചരിപ്പിച്ച കേസിൽ കോൺഗ്രസ് നേതാവ് അറസ്റ്രിൽ. യൂത്ത് കോൺഗ്രസ് അണ്ടൂർക്കോണം മുൻ മണ്ഡലം പ്രസിഡന്റ് കൊയ്ത്തൂർക്കോണം നീതു ഭവനിൽ സുജിയെയാണ് മംഗലപുരം പൊലീസ് അറസ്റ്റ് ചെയ്‌തത്. സ്വർണക്കടത്ത് കേസിലെ പ്രതി സ്വപ്‌ന സുരേഷിന്റെയും മുഖ്യമന്ത്രിയുടെയും ചിത്രങ്ങൾ അശ്ലീലകരമായ മറ്റൊരു ചിത്രത്തിൽ ചേർത്ത് പ്രചരിപ്പിച്ചതിനാണ് ഐ.ടി ആക്ടും കെ.പി ആക്ടും പ്രകാരമുള്ള വകുപ്പുകൾ ചേർത്ത് കേസെടുത്തത്. മംഗലപുരം പൊലീസ് ഇൻസ്‌പെക്ടർ പി.ബി. വിനോദ്കുമാർ, എസ്.ഐ. വി. തുളസീധരൻ നായർ, ജി.എസ്.ഐമാരായ ഗോപകുമാർ, ഹരി, രാധാകൃഷ്ണൻ എന്നിവർ ചേർന്നാണ് സുജിയെ അറസ്റ്ര് ചെയ്തത്.ഇയാളെ കോടതിയിൽ ഹാജരാക്കി റിമാൻഡ് ചെയ്‌തു.